- 2021-10-11 13:29:18
- បាល់ទាត់
Neymar គិតថា World Cup 2022 នឹងជាប្រកួត World Cup ចុងក្រោយសម្រាប់គេហើយ
- 2021-10-11 13:29:18
- ចំនួនមតិ 0 | ចំនួនចែករំលែក 0
Neymar គិតថា World Cup 2022 នឹងជាប្រកួត World Cup ចុងក្រោយសម្រាប់គេហើយ
ចន្លោះមិនឃើញ
ខ្សែប្រយុទ្ធដើមកំណើតប្រេស៊ីល Neymar បាននិយាយទៅកាន់សារព័ត៌មាន DAZN នៅក្នុងថ្ងៃនេះថា ការប្រកួត World Cup ឆ្នាំ២០២២ នៅប្រទេសកាតាខាងមុខនេះ អាចជាប្រកួត World Cup លើកចុងក្រោយសម្រាប់គេហើយ។
Neymar បាននិយាយថា៖" ខ្ញុំគិតថាប្រកួត World Cup នៅកាតាឆ្នាំ២០២២ខាងមុខនេះជាប្រកួត World Cup លើកចុងក្រោយសម្រាប់ខ្ញុំហើយ ព្រោះខ្ញុំមិនដឹងថាខ្ញុំមានកម្លាំងចិត្តនៅក្នុងការទប់ទល់នឹងវិស័យបាល់ទាត់ហ្នឹងទៀតអត់ផង "។
កីឡាករប្រេស៊ីលរូបនេះបានបន្តថា៖" តែខ្ញុំនឹងធ្វើអ្វីគ្រប់យ៉ាងដើម្បីឲ្យមានកម្លាំងចិត្តហ្នឹងមកវិញ ដើម្បីប្រកួតឲ្យឈ្នះពានហ្នឹងសម្រាប់ប្រទេសរបស់ខ្ញុំ ដើម្បីបំពេញសុបិន ដែលខ្ញុំធ្លាប់មានតាំងពីក្មេងមក សង្ឃឹមថាខ្ញុំអាចធ្វើវាបាន "។
តាំងពី Neymar ចូលលេងប្រកួតឲ្យក្រុមជម្រើសជាតិប្រេស៊ីលតាំងពីឆ្នាំ២០១០មក កីឡាករនេះមិនដែលទាន់ឈ្នះពាន World Cup ម្ដងណានោះទេ តែក្រុមរបស់គេធ្លាប់ឈ្នះ៥ដងរួចមកហើយ នៅឆ្នាំ១៩៥៨ ឆ្នាំ១៩៦២ ឆ្នាំ១៩៧០ ឆ្នាំ១៩៩៤ ឆ្នាំ២០០២។
នៅក្នុងប្រកួត World Cup វគ្គជម្រុះនៅក្នុងថ្ងៃ ក្រុមជម្រើសជាតិប្រេស៊ីល បានត្រឹមលទ្ធផល សូន្យស្មើក្នុងការប្រកួតតទល់នឹងក្រុមជម្រើសជាតិ កូឡុំប៊ីប៉ុណ្ណោះ៕