/BK-A-1/BKA-2/6163bf7e7b687_1633927020_medium.jpg)
- 2021-10-11 04:52:19
- បាល់ទាត់
នៅ៣គ្រាប់ទៀត CV11 នឹងតាមទាន់កំណត់ត្រាលោក ហុក សុចិត្រា នៅជម្រើសជាតិ
- 2021-10-11 04:52:19
- ចំនួនមតិ 0 | ចំនួនចែករំលែក 0
នៅ៣គ្រាប់ទៀត CV11 នឹងតាមទាន់កំណត់ត្រាលោក ហុក សុចិត្រា នៅជម្រើសជាតិ
ចន្លោះមិនឃើញ
ខ្សែប្រយុទ្ធ ចាន់ វឌ្ឍនាកា រកបាន១៧គ្រាប់ហើយឱ្យក្រុមជម្រើសជាតិកម្ពុជាឈុតធំ បើចាប់គិតតាំងពីឆ្នាំ២០១៣ រហូតមកទល់នឹងពេលនេះ។
គ្រាប់បាល់ទី១៧របស់ខ្សែប្រយុទ្ធមកពីក្លឹបបឹងកេត រកបាននៅពេលកម្ពុជាយកឈ្នះលើកោះហ្គាំនៅទឹកដីកណ្ដាលបារ៉ែន ១-០ កាលពីថ្ងៃទី៩ ខែតុលា ឆ្នាំ២០២១ ក្នុងការប្រកួតពានរង្វាន់ AFC Asian Cup China 2023 Qualifiers Playoff បន្ទាប់ពីទទួលបាល់យ៉ាងស្អាតពីខ្សែប្រយុទ្ធវ័យក្មេងភ្នំពេញក្រោន លឹម ពិសុទ្ធ។
ក្នុងការប្រកួតជាមួយកោះហ្គាំ ចាន់ វឌ្ឍនាកា ទទួលបានទំនុកចិត្តពីលោក Keisuke Honda លេងជម្រើស១១នាក់ដំបូង និងលេង៩០នាទីពេញ បន្ទាប់ពីអាក់ខានជាប់ជម្រើសជាតិអស់មួយរយៈធំ។
ការផ្ដល់ទំនុកចិត្តពីគ្រូបង្វឹក និងលោក Honda នេះដែរត្រូវបានគេរំពឹងថា ខ្សែប្រយុទ្ធមានដើមកំណើតមកពីខេត្តកំពត អាចនឹងបង្ហាញខ្លួននៅប្រកួតបន្ទាប់ អាចរកគ្រាប់បាល់បានបន្ថែមទៀត និងអាចតាមទាន់កំណត់រកគ្រាប់បាល់បានច្រើនជាងគេរបស់អតីតខ្សែប្រយុទ្ធឆ្នើមកម្ពុជា ហុក សុចិត្រា (មាន២០គ្រាប់) នៅជម្រើសជាតិឈុតធំក្នុងពេលឆាប់ៗខាងមុខ៕
