- 2021-09-30 08:03:26
- បាល់ទះ
គួន ម៉ុម៖ ខ្ញុំយឹតហើយ លទ្ធភាពឈ្នះបានប៉ុណ្ណា យកប៉ុណ្ណឹងហើយ
- 2021-09-30 08:03:26
- ចំនួនមតិ 0 | ចំនួនចែករំលែក 0
គួន ម៉ុម៖ ខ្ញុំយឹតហើយ លទ្ធភាពឈ្នះបានប៉ុណ្ណា យកប៉ុណ្ណឹងហើយ
ចន្លោះមិនឃើញ
ឆ្លងកាត់បីប្រកួតកន្លងមកសមាគមបាល់ទះវិសាខា បានឈ្នះទាំងបីប្រកួត ពោលគឺពួកគេបំបាក់គូប្រជែង ២សិតទល់សូន្យដាច់តែម្ដង មាន៩ពិន្ទុកំពុងឈរកំពូលតារាងបណ្ដោះអាសន្នក្នុងពូល A។
ជុំវិញជ័យជម្នះដ៏ត្រចះត្រចង់នេះស្មាត់ធំរបស់ក្រុមវិសាខា គួន ម៉ុម បានឱ្យដឹងថាក្រុមរបស់ខ្លួននឹងមិនបន្ធូរដៃឱ្យគូប្រជែងឡើយ ក្នុងគោលបំណងឱ្យការប្រកួតល្អមើលនិងជក់ចិត្ត និងដើម្បីដណ្ដើមពានផងដែរ។
កីឡាករជម្រើសជាតិបាល់ទះក្នុងសាលកម្ពុជារូបនេះ បានបញ្ជាក់ថា ៖«យើងលេងតំណាងឱ្យមហាជនមើលឱ្យសប្បាយចិត្ត អ៊ីចឹងយើងមិនអាចលេងសើចឱ្យខុសបច្ចេកទេសយើងបានទេ អ៊ីចឹងប្អូនយឹតហើយ លទ្ធភាពឈ្នះបានប៉ុណ្ណាយកប៉ុណ្ណឹងហើយ អត់មានពាក្យថាទម្លាក់ឬដំឡើងអីទេ ចូលទីលានគឺវ៉ៃហើយ បានពិន្ទុសូន្យគឺសូន្យ»។
គួន ម៉ុម មានជំនឿចិត្តច្រើនចំពោះការប្រកួតដណ្ដើមពានរង្វាន់បាល់ទះ Special Volleyball Challenge ព្រោះការប្រកួត៤ស្មើនេះលេងតាមលក្ខណៈស្តង់ដារ មិនដូចការលេងក្រៅប្រព័ន្ធទេ។
កីឡាករធ្លាប់ទៅលេងនៅទឹកដីថៃដដែលបន្តថា ៖«និយាយចំឱ្យតែចូលស្តង់ដារប្រកួត វារៀងមានសង្ឃឹមដែរ បួនស្មើក៏សង្ឃឹមដែរ ខ្លាចតែលេងចាប់បោកអាតេអាតាយតើ ទើបពិបាកលេងជាមួយគេ»។
គួរបញ្ជាក់ថា មុននេះបន្តិចក្រុមបាល់ទះវិសាខា បានយកឈ្នះលើក្រុមបាល់ទះកោះដាច់ទាំងពីរសិតដោយគ្មានការតបត ពោលគឺសិតទីមួយពួកគេយកឈ្នះ ២៥-១៥ និងសិតទីពីរ ២៥-១៤ពិន្ទុ៕