/61545b26bfc43_1632918300_medium.jpg)
- 2021-09-29 12:44:52
- បាល់ទាត់
Kroos នៅតែគិតថា Mbappe នឹងផ្លាស់មកលេងនៅ Real Madrid
- 2021-09-29 12:44:52
- ចំនួនមតិ 0 | ចំនួនចែករំលែក 0
Kroos នៅតែគិតថា Mbappe នឹងផ្លាស់មកលេងនៅ Real Madrid
ចន្លោះមិនឃើញ
ខ្សែបម្រើ Toni Kroos បាននិយាយទៅកាន់សារព័ត៌មាន Goal នៅក្នុងថ្ងៃនេះថា កីឡាករខ្លាំងៗដូចខ្សែប្រយុទ្ធ Kylian Mbappe នឹងផ្លាស់មកលេងនៅក្លឹប Real Madrid ។
Kroos បាននិយាយថា៖" កាលពីរដូវកាលក្ដៅកន្លងទៅនេះ ខ្ញុំធ្លាប់និយាយថាខ្ញុំចង់បានកីឡាករដូច Mbappe ផ្លាស់មក Real នេះប៉ុន្តែបើគេមិនមក ក៏យើងមានក្រុមដែលល្អរួចហើយ។ តែចាំមើលៗមានអីកើតឡើងនៅពេលខាងមុខហ្នឹង ព្រោះវាពិបាកខ្លាំងសម្រាប់ខ្ញុំក្នុងការនិយាយរឿងអញ្ចឹងៗ ព្រោះខ្ញុំមិនមែនជាអ្នកសម្រេចទេ។ តែម៉េចក៏ដោយ សមត្ថភាពរបស់គេនៅដដែល គេជាកីឡាករល្អ ហើយខាង Real ក៏ចង់ទិញផងដែរ តែចុងបញ្ចប់អត់បាន "។
កីឡាកររូបនេះបានបន្តថា៖" នៅក្រុមយើងនេះអ្វីទៅមុខធម្មតា ទោះជាគ្មាន Mbappe ក៏ដោយ។ ខ្ញុំគិតថាក្រុមយើងនៅតែធ្វើបានល្អ ហើយសម្រាប់ពេលខាងមុខគំនិតរបស់ខ្ញុំលើ Mbappe នេះក៏មិនផ្លាស់ប្ដូរផងដែរគឺ កីឡាករខ្លាំងៗនឹងមកលេងនៅ Real ហើយ Mbappe គេនឹងស្ថិតក្នុងចំណោមនោះ "។
មកទល់នឹងពេល Real នៅតែចង់បានខ្សែប្រយុទ្ធ Mbappe មកក្រុមរបស់ខ្លួន ដោយប្រធានក្លឹបនេះធ្លាប់និយាយទៅកាន់អ្នកគាំទ្រកាលពីពេលថ្មីៗនេះថា នឹងតាមទិញម្ដងទៀតនៅឆ្នាំក្រោយ៕
