មកស្គាល់បេក្ខជន៤រូប ដែលអាចធ្វើគ្រូថ្មី Barca ប្រសិនបើ Koeman ត្រូវបានដកចេញពីតំណែង

2021-09-22 11:51:33
បាល់ទាត់

2021-09-22 11:51:33
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណែងគ្រូបង្គោលក្លឹប Barcelona របស់លោក Ronald Koeman ត្រូវបានសារព័ត៌មានជាច្រើនចុះផ្សាយថា ហាក់បីដូចរង្គោះរង្គើខ្លាំង ក្រោយលោកទើបតែបានដឹកនាំក្លឹបទើបតែ១ឆ្នាំ ១ខែប៉ុណ្ណោះ។ ក្រោមការដឹកនាំរបស់លោកលទ្ធផលដែលចេញមក គឺមិនដូចទៅនឹងអ្វីដែលខាងក្លឹប ក៏ដូចជាអ្នកគាំទ្រចង់បានសោះ។

ប្រសិនបើ Barca ដេញគ្រូបង្គោលរូបនេះចេញក្នុងពេលនេះ ខាងក្លឹបនេះនឹងត្រូវឲ្យប្រាក់ជាង១៤លានដុល្លារ ដើម្បីបញ្ចប់កុងត្រាជាមួយ Koeman ដែលកុងត្រាជាមួយក្លឹបរហូតដល់ចប់រដូវកាលនេះឯណោះ។ ចំណុចនេះធ្វើឲ្យ Barca នៅគិតគូរ និងស្ទាក់ស្ទើរក្នុងការដកតំណែងរបស់លោក។

យ៉ាងណាក្ដីបើយោងតាមការចុះផ្សាយរបស់ Marca ប្រសិនបើ Barca សម្រេចដកតំណែង Koeman គ្រូបង្គោលទាំងនេះជាបេក្ខជន ដែលស័ក្ដិសមបំផុតក្នុងការធ្វើជាគ្រូបង្គោលថ្មី៖

១. លោក Roberto Martinez

គ្រូបង្គោលក្រុមជម្រើសជាតិបែលហ្ស៊ិករូបនេះ ជាបេក្ខជនដែលខាងក្លឹប Barca មានការចាប់អារម្មណ៍ខ្លាំង។ ណាមួយគ្រូបង្គោលនេះផ្ទាល់ក៏ចាប់អារម្មណ៍ទៅដឹកនាំក្លឹបយក្សអេស្ប៉ាញនេះផងដែរ ប្រសិនបើខាងក្លឹបនេះទាក់ទងហៅទៅដឹកនាំពិតប្រាកដមែន។

២. លោក Xavi Hernandez

គ្រូបង្គោលក្លឹប Al Sadd ដែលជាក្លឹបមួយនៅប្រទេសកាតា។ លោកក៏ធ្លាប់ត្រូវខាង Barca ទាក់ទងចង់បានកាលពីរើសគ្រូបង្គោលថ្មីកន្លងមកដែរ ប៉ុន្តែលោកមិនព្រមទៅដោយថា ពេលវេលាមិនស័ក្ដិសម ហើយណាមួយលោកនៅចង់ដឹកក្លឹបនៅកាតានេះសិន។

៣. លោក Antonio Conte

អតីតគ្រូបង្គោលក្លឹប Inter Milan និង Juventus ដឹកនាំឈ្នះពានច្រើននៅ Serie A ប៉ុន្តែការដឹកនាំរបស់លោកអាចជាពិបាកនៅ Barca យ៉ាងណាក្ដីក្លឹបអេស្ប៉ាញរូបនេះក៏អាចជាជម្រើសមួយរបស់ Barca ផងដែរ ដោយសារតែក្លឹបនេះត្រូវបានការឈ្នះពានក្នុងពេលនេះ។

៤. លោក Phillip Cocu

អតីតគ្រូបង្គោល PSV Eindhoven បានសាងកេរ្តិ៍ឈ្មោះច្រើននៅហុល្លង់ ដែលក៏អាចជាជម្រើសមួយសម្រាប់ Barca ផងដែរ៕

ប្រភព៖ Marca អត្ថបទ៖ សេរី មង្គល