- 2021-09-17 02:38:51
- បាល់ទាត់
ហួសចិត្តអ្នកចាំទី Lazio ចាប់បាល់ចូលទីខ្លួនឯង ធ្វើឲ្យក្រុមចាញ់ ១-០
- 2021-09-17 02:38:51
- ចំនួនមតិ 0 | ចំនួនចែករំលែក 0
ហួសចិត្តអ្នកចាំទី Lazio ចាប់បាល់ចូលទីខ្លួនឯង ធ្វើឲ្យក្រុមចាញ់ ១-០
ចន្លោះមិនឃើញ
អ្នកចាំទីរបស់ Lazio កីឡាករ Thomas Strakosha បានភ្លាត់ចាប់បាល់ចូលទីខ្លួនឯង ធ្វើឲ្យក្រុមបរាជ័យទល់នឹង Galatasaray ១-០ ក្នុងពានរង្វាន់ Europa League។
ក្នុងនាទី៦៦ការប្រកួតលទ្ធផលកំពុង ០-០ ខ្សែបម្រើរបស់ Galatasaray កីឡាករ Olimpiu Morutan បានទាត់កាត់ពីស្លាបខាងស្ដាំ ប៉ុន្តែត្រូវបានព្យាយាមទាត់ចេញដោយកីឡាករ Manuel Lazzari។ យ៉ាងណា បាល់នោះមិនបានឃ្លាតឆ្ងាយ ដោយសំដៅទៅរកទី ហើយអ្នកចាំទី Strakosha បានព្យាយាមលោតចាប់ តែបែរជាភ្លាត់ធ្វើឲ្យចូលទីខ្លួនឯងទៅវិញ។
លទ្ធផលនាំ ១-០ បានបន្សល់រហូតដល់ចប់ការប្រកួត បានជួយឲ្យក្រុមមកពីទួរគី Galatasaray ទទួលបាន៣ពិន្ទុក្នុងការប្រកួតដំបូង។ អ្នកចាត់ការរបស់ Lazio លោក Maurizio Sarri បាននិយាយថា កំហុសនេះបានធ្វើឲ្យក្រុមខាតបង់ ហើយក៏ជាការចាប់ផ្ដើមដ៏ខកចិត្តសម្រាប់លទ្ធផលនេះ។
តាមរយៈជ័យជម្នះនេះ Galatasaray កំពុងឈរលេខមួយក្នុងពូល E ខណៈ Lazio នៅលេខ៤។ Marseille និង Lokomotiv Moscow ប្រកួតស្មើគ្នា ១-១ កំពុងឈរនៅលេខ៣និង៤៕