/6142c070212f6_1631764560_medium.jpg)
- 2021-09-16 04:07:22
- បាល់ទាត់
ព្រោះហេតុផលនេះហើយទើប ឡេង ណូរ៉ា លេងអស់ ១០០%
- 2021-09-16 04:07:22
- ចំនួនមតិ 0 | ចំនួនចែករំលែក 0
ព្រោះហេតុផលនេះហើយទើប ឡេង ណូរ៉ា លេងអស់ ១០០%
ចន្លោះមិនឃើញ
គ្រប់ការប្រកួតដែលបានបង្ហាញខ្លួន ឡេង ណូរ៉ា មិនដែលលេងលំៗទេពោលគេតែងប្រឹងឱ្យអស់លទ្ធភាព ១០០% ដើម្បីដណ្ដើមបានជ័យជម្នះ។ អ្វីជាហេតុផលធ្វើឱ្យកូនកំព្រាឪពុករូបនេះ ប្រឹងប្រែង ១០០% បែបនេះ?
ខ្សែបម្រើស្លាបវ័យក្មេងរបស់ព្រៃវែង បានពន្យល់ថាដោយសារតែជម្រើស១១នាក់ដំបូង មិនងាយស្រួលក្នុងការដណ្ដើមទើបគេប្រឹង បើមិនដូច្នេះទេច្បាស់ជាគ្មានឱកាសឡើយ។
យុវជនធ្លាប់ជាប់ជម្រើសជាតិឈុតធំទៅប្រកួតជម្រុះ World Cup Qarta 2022 នៅប្រទេសបារ៉ែន បានបញ្ជាក់បែបនេះ ៖«គ្រប់ការប្រកួតទាំងអស់ខ្ញុំលេងខ្លាំងរហូងបង ដោយសារតែកន្លែង១១នាក់ហ្នឹងវាពិបាកនឹងទទួលបាន ព្រោះអីបើយើងលេងអត់ខ្លាំងទេប្រកួតក្រោយ អាចនឹងអត់មានយើង ត្រូវលេងខ្លាំងរហូត ហើយណាមួយគ្រូខ្ញុំចូលចិត្តអ្នកលេងខ្លាំង មានទំនុកចិត្ត ហ៊ានលេង ទើបគាត់ផ្ដល់ឱកាសកន្លែង១១នាក់ហ្នឹងឱ្យ»។
ក្នុងចំណោម១២ប្រកួតជុំទី១កន្លងមក ឡេង ណូរ៉ា បង្ហាញខ្លួនបាន១០ប្រកួត ជាប់ជម្រើស១១នាក់ទាំង១០លើក និងស៊ុតបញ្ចូលទីបាន១គ្រាប់ឱ្យក្លឹបបាល់ទាត់ខេត្តព្រៃវែង៕
