- 2021-09-15 13:25:17
- បាល់ទាត់
ប្រធាន La Liga៖ Real គ្មានថ្ងៃដូច PSG នោះទេ ដោយសារតែ PSG លេងខូចគេ
- 2021-09-15 13:25:17
- ចំនួនមតិ 0 | ចំនួនចែករំលែក 0
ប្រធាន La Liga៖ Real គ្មានថ្ងៃដូច PSG នោះទេ ដោយសារតែ PSG លេងខូចគេ
ចន្លោះមិនឃើញ
លោក Javier Tebas ប្រធានលីគកំពូលអេស្ប៉ាញបាននិយាយនៅក្នុងកម្មវិធីមួយរៀបចំដោយ La Liga ផ្ទាល់ក្នុងថ្ងៃនេះ រិះគន់វាយប្រហារចំៗទៅលើក្លឹប Paris Saint Germain ដោយថាក្លឹប Real Madrid គ្មានថ្ងៃដូចក្លឹបបារាំងមួយនេះទេ ដោយសារតែក្លឹបបារាំងមួយនេះលេងខូចគេ។
ទាក់ទងនឹងការវាយចាយទៅក្លឹបបារាំងខាងលើ នេះមិនមែនជាលើកទីមួយសម្រាប់លោក Tebas ទេ។ លោកប្រធានមួយនេះតែងរិះគន់ PSG កន្លងមក ទាក់ទងនឹងការចាយវាយ និងច្បាប់ទម្លាប់ហិរញ្ញវត្ថុនៅលីគកំពូលបារាំងនានា ដែលមានការជួយជ្រោមជ្រែងដោយរដ្ឋាភិបាលបារាំងក្នុងកំឡុងវិបត្តិកូវីដ-១៩នេះ។ ខណៈនៅក្នុងលីគកំពូលអេស្ប៉ាញលោកវិញ គឺអ្វីៗក្លឹបខ្លួនឯងជាអ្នកជ្រោមជ្រែងខ្លួនឯង។
ទាក់នឹងរឿងនេះលោកបាននិយាយថា បាល់ទាត់អេស្ប៉ាញអត់មានខូចខាតអន់ថយ។ ក្នុងកំឡុងពេលវិបត្តិនេះ Real ទប់ទល់បានល្អជាងគេតាមរយៈកាត់ប្រាក់ខែ តែម៉េចក៏ដោយពួកគេគ្មានថ្ងៃដូច PSG នោះទេព្រោះ PSG លេងខូច។ ពួកគេមានថវិការហូតដល់ជាង ៧០៨លានដុល្លារចំណាយក្នុងមួយឆ្នាំក្នុងពេលនេះ ដែលនេះជាអ្វីដែលមិនអាចទៅរួចនោះទេ។ ណាមួយ Real មិនមែនជាក្លឹបរបស់រដ្ឋផង អញ្ចឹងពួកគេគ្មានថ្ងៃធ្វើអញ្ចឹងបានឡើយ។
បើតាមការលើកឡើងរបស់ Tebas ដដែលនេះកាលពីពេលថ្មីៗថា ឲ្យតែច្បាប់បារាំងឲ្យ PSG នៅតែបន្តធ្វើអញ្ចឹងបាន បាល់ទាត់អឺរ៉ុបនឹងខ្ទិចខ្ទីអស់ហើយ ខណៈដែលក្នុងកំឡុងពេលវិបត្តិនេះក្លឹបបារាំងនេះខាតបង់មួយឆ្នាំជាង ៤៧២លានដុល្លារ តែពួកគេនៅតែអាចលុយលើសខ្ទង់បាន ដោយសារតែមានការជួយជ្រោមជ្រែងពីរដ្ឋបែបនេះ៕