- 2021-09-07 13:12:36
- បាល់ទាត់
Laporta និយាយត្រង់ៗថា Neymar ពិតជាធ្លាប់បានទាក់ទងចង់មកលេងនៅ Barca ម្ដងទៀត
- 2021-09-07 13:12:36
- ចំនួនមតិ 0 | ចំនួនចែករំលែក 0
Laporta និយាយត្រង់ៗថា Neymar ពិតជាធ្លាប់បានទាក់ទងចង់មកលេងនៅ Barca ម្ដងទៀត
ចន្លោះមិនឃើញ
លោក Joan Laporta ត្រូវបានសារព័ត៌មាន Esport3 សួរនាំនៅក្នុងថ្ងៃនេះថា តើលោកពិតជាចង់បានខ្សែប្រយុទ្ធ Neymar ត្រលប់មកពីក្លឹប Paris Saint Germain មែនឬ ក្រោយលោកបានឈ្នះការបោះឆ្នោតទទួលតំណែងជាប្រធានក្លឹប Barcelona សារជាថ្មីកាលពីខែមីនា ឆ្នាំ២០២១កន្លងទៅ?
លោក Laporta បាននិយាយថា៖" ពិតប្រាកដណាស់។ យើងពិតជាព្យាយាមទាក់ទងចង់ទិញយក Neymar មកវិញពិតមែន។ ហើយគេក៏បានទាក់ទងមកវិញ ហើយចង់មករួមរស់លេងឲ្យក្លឹបយើងម្ដងទៀតផងដែរ "។
បើតាមការចុះផ្សាយរបស់ Goal ទាក់នឹងរឿងខាងលើ Neymar ខ្លួនឯងធ្លាប់និយាយថា គេចង់ត្រលប់ទៅ Barca វិញដើម្បីទៅលេងជាមួយខ្សែប្រយុទ្ធ Lionel Messi នៅក្នុងរដូវកាលនេះ។
អ្វីៗត្រូវបានប្រែប្រួលក្រោយ Neymar បានបន្តកុងត្រាថ្មីជាមួយ PSG រហូតដល់ឆ្នាំ២០២៥ កាលពីខែឧសភា ឆ្នាំ២០២១កន្លងទៅ ប៉ុន្តែក្ដីស្រមៃគេចង់លេងជាមួយ Messi ម្ដងទៀតគឺបានសម្រេច ក្រោយខ្សែប្រយុទ្ធអាហ្សង់ទីនរូបនេះ ផ្លាស់ទៅលេងនៅក្លឹបបារាំងក្នុងរដូវកាលឆ្នាំ២០២១/២២នេះ៕