- 2021-08-26 09:37:32
- បាល់ទាត់
បឹងកេត មានសិទ្ធិប្រកួត AFC CUP ឆ្នាំ២០២២ បើការប្រកួតឆ្នាំនេះមិនចប់តាមការគ្រោងទុក
- 2021-08-26 09:37:32
- ចំនួនមតិ 0 | ចំនួនចែករំលែក 0
បឹងកេត មានសិទ្ធិប្រកួត AFC CUP ឆ្នាំ២០២២ បើការប្រកួតឆ្នាំនេះមិនចប់តាមការគ្រោងទុក
ចន្លោះមិនឃើញ
ក្រុមជើងខ្លាំងនិងការពារតំណែងជើងឯកលីគកំពូលកម្ពុជាឆ្នាំ២០២០ បឹងកេតនឹងមានសិទ្ធិចូលរួមប្រកួតដណ្ដើមពានរង្វាន់ AFC CUP 2022 បើសិនការប្រកួតលីគឆ្នាំនេះមិនចប់តាមការគ្រោងទុក។
បើផ្អែកតាមសេចក្ដីប្រកាសរបស់គណៈកម្មការប្រកួតបាល់ទាត់ជាតិកម្ពុជា ហៅកាត់ CNCC នៅថ្ងៃនេះ កម្ពុជានឹងកំណត់យកក្រុមតំណាងជាតិមានសិទ្ធិ ទៅចូលរួមប្រកួតពានរង្វាន់ជើងឯកបាល់ទាត់ទ្វីបអាស៊ីខាងលើ។
សេចក្ដីប្រកាសបានឱ្យដឹងទៀតថា ប្រសិនបើការដំណើរការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន និងការប្រកួតពានរង្វាន់មិត្តហ្វូនខេមបូឌានលីគឆ្នាំ២០២១ មិនបញ្ចប់ក្នុងឆ្នាំ២០២១នោះទេ សិទ្ធិចូលរួមប្រកួតពានរង្វាន់ជើងឯកបាល់ទាត់ទ្វីបអាស៊ី (AFC CUP 2022) នឹងបានទៅក្រុមជើងឯកឆ្នាំ២០២០។
ប្រសិនបើការដំណើរការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន និងការប្រកួតពានរង្វាន់មិត្តហ្វូនខេមបូឌានលីគឆ្នាំ២០២១ ដំណើរការចប់ទៅតាមដូចការគ្រោងទុក នោះសិទ្ធិចូលរួមប្រកួតពានរង្វាន់ជើងឯកបាល់ទាត់ទ្វីបអាស៊ី (AFC CUP 2022) នឹងរក្សានៅដដែលសម្រាប់ក្រុមទទួលបានជើងឯកឆ្នាំ២០២១៕