- 2021-08-19 04:33:06
- បាល់ទាត់
មកស្គាល់កីឡាករ២រូបដែល ឈិន ឈឿន លេងយល់ចិត្តបំផុត!
- 2021-08-19 04:33:06
- ចំនួនមតិ 0 | ចំនួនចែករំលែក 0
មកស្គាល់កីឡាករ២រូបដែល ឈិន ឈឿន លេងយល់ចិត្តបំផុត!
ចន្លោះមិនឃើញ
កីឡាករពីររូបដែល ឈិន ឈឿន លេងស៊ីចង្វាក់ យល់ចិត្ត និងសង់តង់បំផុតនៅ TIFFY ARMY គឺខ្សែបម្រើ ច្រឹង ពលរដ្ឋ និងខ្សែប្រយុទ្ធ ភួង សុខសាណា។ នេះជាការលើកឡើងរបស់ឈិនឈឿនក្នុងកម្មវិធី Tiffy Army Talk Show កាលពីពេលថ្មីៗ។
ការណ៍ដែលយល់ចិត្តក៏ព្រោះពួកគេជាមិត្តភ័ក្តិជិតស្និទ្ធ និងមានទីលំក្បែរគ្នាតាំងពីតូចៗ។ ខ្សែបម្រើស្លាប ឈិន ឈឿន បញ្ជាក់ថា ៖«សម្រាប់នៅក្នុងក្លឹប TIFFY ARMY កីឡាករដែលលេងយល់ចិត្តជាងគេជាមួយខ្ញុំគឺមានតែពីរនាក់ទេ ច្រឹងពលរដ្ឋដែលគាត់លេងឥឡូវហ្នឹងគឺគាត់នៅក្លឹបវិសាខា ពីមុនគាត់លេងនៅ TIFFY ARMY គាត់លេងជាមួយខ្ញុំ»។
អតីតខ្សែបម្រើជម្រើសជាតិដ៏ល្អរបស់កម្ពុជា បានបន្ថែមថា ៖«មួយទៀតគឺ ភួង សុខសាណា ដោយសារអី សាណាគឺជាកីឡាករ គឺជាមួយមិត្តភ័ក្តិដែលនៅជាមួយខ្ញុំតាំងពីតូច ហើយជាមិត្តភ័ក្តិហាត់ជាមួយខ្ញុំតាំងពីតូចនៅផ្ទះជិតគ្នា។ អ៊ីចឹងសឹងថាមិនបាច់ចាំមើលឃើញគាត់ទេ សឹងតែមានបាល់ដឹងថាគាត់ចលនាទៅណា ដឹងថាគាត់លេងម៉េចអីម៉េច គឺដឹងទាំងអស់! ដោយសារអីគឺពួកខ្ញុំនៅជាមួយគ្នាយល់ចិត្តគ្នាលេងបាល់ជាមួយគ្នាតាំងពីតូច ចឹងកីឡាករដែលលេងយល់ចិត្តគ្នានៅក្លឹបសព្វថ្ងៃនេះគឺកីឡាករ ភួង សុខសាណា...យល់អារម្មណ៍គ្នាសឹងបិទតែភ្នែកគ្រប់គ្រងបាល់ ដឹងថាគាត់រត់ទៅណាទៀត»។
អតីតសមាជិកក្លឹបព្រះខ័នរាជស្វាយរៀង បានបញ្ជាក់ច្បាស់ៗចំពោះកីឡាកដែលលេងយល់ចិត្តថ្លើមជាមួយគេនៅក្លឹប TIFFY ARMY សព្វថ្ងៃនេះគឺមានតែ ភួង សុខសាណាម្នាក់ប៉ុណ្ណោះ ខណៈ ច្រឹង ពលរដ្ឋ កំពុងលេងឱ្យក្លឹបវិសាខា។
ទាក់ទងនឹងការយល់ចិត្តគ្នានេះ ទើបក្លឹបនីមួយៗតម្រូវឱ្យកីឡាករទាំងអស់ប្រមូលផ្ដុំ ហ្វឹកហាត់ និងរស់នៅជាមួយគ្នា ដើម្បីឱ្យពួកគេស្វែងយល់ពីគ្នាទាំងក្នុងនិងក្រៅទីលាន៕
