- 2021-08-09 06:41:28
- បាល់ទាត់
ចំណុចនេះហើយទើប Timothy ចូលរួមជាមួយ TIFFY ARMY
- 2021-08-09 06:41:28
- ចំនួនមតិ 0 | ចំនួនចែករំលែក 0
ចំណុចនេះហើយទើប Timothy ចូលរួមជាមួយ TIFFY ARMY
ចន្លោះមិនឃើញ
ក្រោយបាត់មុខពីលីគកំពូលមួយរយៈ ពេលនេះខ្សែប្រយុទ្ធមាឌធំ Timothy បានចូលរួមជាមួយក្លឹប TIFFY ARMY ហើយ។
ផេកផ្លូវការរបស់ក្លឹប TIFFY ARMY បានឱ្យដឹងមុននេះថា «ស្វាគមន៍វត្តមានកីឡាករ ខ្សែប្រយុទ្ធថ្មី TIMOTHY មកកាន់មហាគ្រួសារ សមាគមកីឡាបាល់ទាត់កងយោធពលខេមរភូមិន្ទ Tiffy Army FC សម្រាប់ជុំទី២ នៃលីគកំពូលកម្ពុជា ឆ្នាំ២០២១»។
ជុំវិញមូលហេតុនៃការចូលរួម ខ្សែប្រយុទ្ធរូបនេះបានលើកឡើងថា TIFFY ARMY ជាក្លឹបមួយមានចក្ខុវិស័យវែង និងអភិវឌ្ឍកីឡាករឱ្យរីកចម្រើន។
អតីតសមាជិកអង្គរថាយហ្គឺរបានបញ្ជាក់ថា៖ «ខ្ញុំជ្រើស ARMY ព្រោះ ARMY ជាក្លឹបមួយមានចង្ខុវិស័យច្បាស់លាស់ និងត្រៀមខ្លួនរួចរាល់ដើម្បីអភិវឌ្ឍរីកចម្រើនទាំងអស់គ្នា។ រចនាសម្ព័ន្ធក្លឹបល្អ គ្រូបង្វឹក និងកីឡាករបានបង្ហាញខ្ញុំនូវការស្រលាញ់ និងគាំទ្រ»។
សម្រាប់ជើងទី២ជាមួយក្លឹបថ្មីនេះ កីឡាករមកពីតំបន់អាហ្រ្វិករូបនេះ ជឿជាក់ថាខ្លួននឹងធ្វើបានល្អដូចដែលគេធ្លាប់បង្ហាញនាពេលកន្លងមក ហើយគ្រប់កីឡាករទាំងអស់នៅ TIFFY ARMY សុទ្ធតែជាដៃគូប្រយុទ្ធដ៏ល្អរបស់គេ។
Timothy ពន្យល់បែបនេះថា៖ «គ្រប់ខខ្សែប្រយុទ្ធទាំងអស់ ពិតជាធ្វើបានល្អណាស់ ហើយពួកយើងសុទ្ធតែធ្លាប់បានលេងជាមួយគ្នា។ ខ្ញុំអាចចាប់ដៃគូបានទាំងអស់»៕
