ហេតុអ្វីក្រុមបាល់បោះអាមេរិក អត់មាន Super Star ដូច James និង Curry នៅអូឡាំពិក?

2021-08-05 06:54:44
ព័ត៌មាន

2021-08-05 06:54:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់បោះជម្រើសជាតិអាមេរិក បានឡើងដល់វគ្គផ្ដាច់ព្រ័ត្រនៅព្រឹត្តិការណ៍អូឡាំពិកហើយ បន្ទាប់ពីពួកគេយកឈ្នះលើក្រុមអូស្ត្រាលីក្នុងលទ្ធផល ៩៧-៧៨ នៅវគ្គពាក់កណ្ដាលផ្ដាច់ព្រ័ត្រ។

ក្រុមបាល់បោះអាមេរិក ដែលជាក្រុមខ្លាំងលេខ១លើលោកនោះ បានបរាជ័យបើកឆាកចាញ់បារាំងកាលពីពេលកន្លងទៅ ហើយវាជាការបរាជ័យតាំងពីឆ្នាំ២០០៤មកសម្រាប់ពួកគេនៅអូឡាំពិកផងដែរ។ យ៉ាងណាមិញ ក្រោយបរាជ័យនោះ ក្រុមអាមេរិកក៏បានស្ដារមុខមាត់ឡើងវិញ រហូតឈានដល់វគ្គផ្ដាច់ព្រ័ត្រនេះ។ តែនៅអូឡាំពិកឆ្នាំនេះ អាមេរិក មិនមានវត្តមាន Super Star ល្បីៗដូចជា LeBron James, Stephen Curry និង James Harden នោះទេ។ តើហេតុអ្វីបានជាមិនមានពួកគេចូលលេងតំណាងឱ្យអាមេរិក?

ដោយសារវិបត្តិកូវីដ១៩ផង និងបញ្ហាកីឡាកររបួសផង ទើបបណ្ដាលឱ្យការជ្រើសរើសកីឡាករនៅអាមេរិកលើកនេះពិបាកបន្តិច។ LeBron James, Stephen Curry សុទ្ធតែមានបញ្ហារបួសអំឡុងពេលលេងនៅលីគ NBA ដែលធ្វើឱ្យក្រុមរបស់ពួកគេនីមួយៗ មិនចង់ឱ្យកីឡាករចូលលេងនៅអូឡាំពិកនោះទេ ព្រោះខ្លាចមានបញ្ហារបួសទៀត។ ដូច្នេះហើយ ទើបបានជាអូឡាំពិកឆ្នាំនេះ ក្រុមបាល់បោះអាមេរិក មិនសូវមាន Super Stars ល្បីៗចូលរួមឡើយ។

កត្តាធំមួយទៀត គឺមុនការជ្រើសរើសកីឡាករធ្វើឡើង សមាគមន៍កីឡាបាល់បោះអាមេរិកជាច្រើនបានប្រកាសដកខ្លួនចេញពីការជ្រើសរើសចូលជម្រើសជាតិទៅហើយ ដោយពួកគេសុទ្ធតែបានបង្ហាញហេតុផលរៀងៗខ្លួន។ ដូច្នេះហើយ ទើបក្រុមអាមេរិក មិនអាចបង្ខំឱ្យនរណាម្នាក់មកចូលលេងបានឡើយ៕

ប្រភព៖ Bleacherreport អត្ថបទ៖ វិធាវី