- 2021-08-04 04:43:50
- បាល់ទាត់
លេចធ្លោនៅអូឡាំពិក អ្នកគាំទ្រចង់ឃើញ Kubo លេងនៅ Real រដូវកាលថ្មីនេះ
- 2021-08-04 04:43:50
- ចំនួនមតិ 0 | ចំនួនចែករំលែក 0
លេចធ្លោនៅអូឡាំពិក អ្នកគាំទ្រចង់ឃើញ Kubo លេងនៅ Real រដូវកាលថ្មីនេះ
ចន្លោះមិនឃើញ
ខ្សែបម្រើប្រយុទ្ធ Takefus Kubo បានបង្ហាញទម្រង់លេងគួរឲ្យចាប់អារម្មណ៍មែនទែនជាមួយជម្រើសជាតិជប៉ុន ក្នុងព្រឹត្តិការណ៍អូឡាំពិកទីក្រុងតូក្យូ។
Kubo បានជួយជប៉ុនឡើងដល់វគ្គពាក់កណ្ដាលផ្ដាច់ព្រ័ត្រ ប៉ុន្តែពិតជាសោកស្ដាយចាញ់ជម្រើសជាតិអេស្ប៉ាញ ១-០ កាលពីម្សិលមិញ។ មួយគ្រាប់ជ័យជម្នះរបស់អេស្ប៉ាញធ្វើបានដោយកីឡាករ Real Madrid គឺខ្សែបម្រើប្រយុទ្ធ Marcos Asensio នាទី១១៥។
តាមការស្ទង់មតិមួយរបស់កាសែតអេស្ប៉ាញ Marca ពីការសាកសួរទៅកាន់អ្នកគាំទ្រគឺ ៨៨% ចង់ឃើញ Kubo បង្ហាញខ្លួនក្នុងបញ្ជីឈ្មោះកីឡាកររបស់ Real Madrid រដូវកាល២០២១-២២។
កីឡាករវ័យទើប២០ឆ្នាំបានមកដល់ Madrid ក្នុងឆ្នាំ២០១៩ ផ្លាស់ពីក្លឹបជប៉ុន FC Tokyo។ ប៉ុន្តែគេមិនត្រូវបានប្រើប្រាស់ដោយ Real ឡើយ ដោយឲ្យក្លឹប៣ផ្សេងគ្នាខ្ចីជើងរួមមាន Mallorca, Villarreal និង Getafe៕
