Oleg ៖ បន្ទាប់ពីប្រកួតនេះទៅ ភ្នំពេញក្រោន នឹងកាន់តែខ្លាំងជាងមុន

2021-07-26 02:07:49
បាល់ទាត់

2021-07-26 02:07:49
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Oleg Starynski គ្រូបង្វឹករបស់ក្លឹបភ្នំពេញក្រោនជឿជាក់ថា ក្រោយការប្រកួតដែលបញ្ចប់ទៅដោយលទ្ធផល៣-៣ ទល់ក្រុមវិសាខាកាលពីចុងសប្ដាហ៍ក្រុមរបស់ខ្លួននឹងកាន់តែខ្លាំងជាងមុន។

ក្រុមភ្នំពេញក្រោនបានរបូត៣ពិន្ទុនៅចុងម៉ោង ដោយសារវិសាខាបានតាមស្មើ៣-៣ សម្រាប់ការប្រកួតសប្ដាហ៍ទី១០នៅទឹកដី RSN ។ ការបាត់បង់៣ពិន្ទុដ៏សំខាន់នេះគ្រូបង្វឹកខាងលើបាននិយាយថា «វាជាការប្រកួតដែលលំបាកនិងមានការប្រជែងគ្នាខ្លាំង។ នេះគឺជាការប្រកួតដែលប្រើប្រាស់កាយសម្បទាខ្លាំង ក្រុមរបស់យើងបានឈ្នះរាល់ការប្រជែងក្នុងការប្រកួតនេះច្រើន ខ្ញុំសប្បាយចិត្តចំពោះការខិតខំប្រឹងប្រែងរបស់កីឡាករនៅលើទីលាន។ ជាការពិតណាស់យើងក៏មិនសប្បាយចិត្ត នៅពេលដែលយើងរបូតគ្រាប់បាល់ចុងម៉ោង យើងនឹងបន្តធ្វើការបន្ថែមទៀតជាមួយនឹងបទពិសោធថ្មីនេះ។ បន្ទាប់ពីការប្រកួតនេះទៅភ្នំពេញក្រោន នឹងកាន់តែខ្លាំងជាងមុន»។

រំលឹកថា ការប្រកួតនោះប្រសិនបើភ្នំពេញក្រោនបាន៣ពិន្ទុ នឹងធ្វើឲ្យពួកគេកាន់តែមានភាគរយកាន់តែច្រើនក្នុងការឈ្នះពានលីគរដូវកាលនេះ។ ទោះជាយ៉ាងណាភ្នំពេញក្រោននៅតែមានប្រៀបដដែល ក្នុងការឈ្នះពានដោយសារពួកគេទើបតែលេងបាន៧ប្រកួតជាមួយពិន្ទុបច្ចុប្បន្ន១៧ពិន្ទុ ខណៈក្រុមលេខ១ Angkor Tiger ឆ្លងកាត់១០ប្រកួតមាន២០ពិន្ទុ៕