/60f91b973fc5f_1626938220_medium.jpg)
- 2021-07-22 07:23:32
- បាល់ទាត់
អ៊ុំ វិចិត្រ ថាបើសិនឈ្នះវិសាខាចុងសប្ដាហ៍នេះឱកាសបានពានមានដល់៧០ទៅ៨០%
- 2021-07-22 07:23:32
- ចំនួនមតិ 0 | ចំនួនចែករំលែក 0
អ៊ុំ វិចិត្រ ថាបើសិនឈ្នះវិសាខាចុងសប្ដាហ៍នេះឱកាសបានពានមានដល់៧០ទៅ៨០%
ចន្លោះមិនឃើញ
អ្នកចាំទីភ្នំពេញក្រោន អ៊ុំ វិចិត្រ ជឿថាប្រសិនបើឈ្នះវិសាខានៅចុងសប្ដាហ៍នេះក្រុមខ្លួន នឹងអាចឆ្ពោះទៅរកជើងឯករដូវកាលនេះខ្ពស់ ដែលមានរហូតដល់ទៅ៧០ទៅ៨០%។
ចុងសប្ដាហ៍នេះវេលាម៉ោង៦ល្ងាចក្រុមបាល់ទាត់ភ្នំពេញក្រោន នឹងបើកទ្វារផ្ទះទទួលក្រុមខ្លាំងវិសាខាក្នុងជំនួបសប្ដាហ៍ទី៧របស់ខ្លួននៃពានរង្វាន់លីគកំពូលកម្ពុជា។ យ៉ាងណាអ្នកចាំទីធ្លាប់មានបទពិសោធច្រើនខាងលើមានជំនឿចិត្តថា ក្រុមរបស់ខ្លួននឹងធ្វើបានល្អ។ សមត្ថភាពរបស់វិសាខាពិតជាមិនធម្មតា ប៉ុន្តែក្រុមកីឡាកររបស់ភ្នំពេញក្រោនទាំងអស់តាំងចិត្តថា នឹងធ្វើឲ្យបានល្អដើម្បីស្វែងរកជ័យជម្នះ។
អតីតអ្នកចាំទីទ័ពដដែលបញ្ជាក់ថា ការប្រកួតចុងសប្ដាហ៍នេះពិតជាសំខាន់ខ្លាំងមែនទែន ពីព្រោះគេគិតថា បើសិនឈ្នះវិសាខាទៀតក្រុមរបស់គេនឹងធ្វើដំណើរកាន់តែកៀកទៅរកពានរង្វាន់។ ភ្នំពេញក្រោននៅសល់ពីរប្រកួតក្នុងដៃគឺប៉ះប៉ូលីស និងទ័ព ខណៈដែលបច្ចុប្បន្នក្រុមមួយនេះមិនទាន់បរាជ័យឡើយពោលគឺឈ្នះ៥ស្មើ១មាន១៦ពិន្ទុ។ ចំណែកវិសាខាក្រុមលេខពីរបច្ចុប្បន្នមាន១៨ពិន្ទុឆ្លងកាត់ការប្រកួតចំនួន៨សប្ដាហ៍ពោលគឺឈ្នះ៥ស្មើ៣៕
