គ្រូទាយច្បាស់! Jose Mourinho រើសក្រុមណា រវាងអង់គ្លេស និងអ៊ីតាលី?

2021-07-08 08:11:54
បាល់ទាត់

2021-07-08 08:11:54
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho ទាយពិតជាច្បាស់មែនក្នុងការប្រកួតពានរង្វាន់ Euro 2020 នេះ តាំងពីវគ្គ៨ក្រុមចុងក្រោយមកម្ល៉េះ ហើយយប់មិញនេះទៀតសោតក៏លោកច្បាស់ដែរ។

មុនការប្រកួតរវាងអង់គ្លេស និងដាណឺម៉ាក លោក Jose បានបង្ហាញចំណាប់អារម្មណ៍ខុសគេថាអង់គ្លេសត្បិតតែឃើញល្អៗមែន ប៉ុន្តែប៉ះដាណឺម៉ាកដែលយកបេះដូងមកលេង គឺមិនងាយឈ្នះទេ។ ហើយជាក់ស្ដែង គឺពិតជាមិនងាយមែន បើសិនមិនមានបាល់ពិន័យ១១ម៉ែត្រទេ នោះអង់គ្លេសទំនងជានឹងត្រូវទាត់កាត់សេចក្ដីយកអ្នកឈ្នះដោយបាល់ប៉េណាល់ទីទៅហើយ។ ចំពោះបាល់ប៉េណាល់ទីនោះ ក៏លោកមើលឃើញថាមិនសមឱ្យដែរ តែរឿងអង់គ្លេសឈ្នះលោកយល់ស្រប ព្រោះអង់គ្លេសលេងបានល្អជាងមែន ប៉ុន្ដែគួរឈ្នះដោយវិធីផ្សេងមិនមែនប៉េណាល់ទីបែបនេះទេ។

សម្រាប់វគ្គផ្ដាច់ព្រ័ត្រវិញ លោក Jose ក៏បានជ្រើសរើសអង់គ្លេសទៀត។ លោកបាននិយាយថាអង់គ្លេសមានប្រៀបជាងអ៊ីតាលីត្រង់លេងនៅទឹកដី Wembley របស់ខ្លួន។ នេះជាឱកាសរបស់អង់គ្លេស ដែលបញ្ចប់កំណត់ត្រាមិនឈ្នះពានសោះ៥៥ឆ្នាំមកនេះហើយ។ ប្រសិនបើអង់គ្លេស មិនអាចចាប់ឱកាសនេះបានទេ បណ្ដោយឱ្យអ៊ីតាលីលើកពានវិញ នោះវានឹងក្លាយជាការខកចិត្តទ្វេរដងហើយសម្រាប់អ្នកគាំទ្រអង់គ្លេស។

អ្នកចាត់ការថ្មីរបស់ក្លឹប Roma បានបន្ដទៀតថាទំនួបអង់គ្លេសនិងអ៊ីតាលីនេះ គឺជាជំនួបល្អមើលបំផុតហើយ លោកកំពុងរង់ចាំទស្សនាផងដែរ ព្រោះអ៊ីតាលីមានទម្រង់លេងល្អ មិនទាន់បរាជ័យ៣៣ឆ្នាំប្រកួតមកហើយ៕

រូបភាពផ្ដល់សិទ្ធិ៖ AFP

ប្រភព៖ Talk Sport អត្ថបទ៖ វិធាវី