លទ្ធផលយប់មិញ ធ្វើឱ្យក្រុម៥នេះ ឡើងវគ្គ១៦ក្រុម ដោយមិនបាច់ប្រកួតចុងក្រោយ

2021-06-22 01:40:26
បាល់ទាត់

2021-06-22 01:40:26
ចំនួនមតិ 0 | ចំនួនចែករំលែក 0

ចន្លោះមិនឃើញ

លទ្ធផលក្នុងពូល B និងC បានធ្វើឱ្យ៥ក្រុមដទៃទៀតបានឡើងទៅវគ្គ១៦ក្រុមដោយស្វ័យប្រវត្តិទៅហើយ ក្នុងពានរង្វាន់ Euro 2020 នេះ។

បារាំង អង់គ្លេស ឆែក ស៊ុយអែត និងស្វីស គឺជាក្រុមបានឡើងទៅវគ្គ១៦ក្រុមចុងក្រោយដោយស្វ័យប្រវត្តិហើយ។ ខណៈដែល៥ក្រុមនេះ មាន៤ក្រុមមិនទាន់ប្រកួតទី៣ក្នុងពូលផង។ ការឡើងនេះ គឺដោយសារតែលេខ៣ក្នុងពូល B និង C មានតែ៣ពិន្ទុប៉ុណ្ណោះ ខណៈដែលពួកគេលេង២ប្រកួត មាន៤ពិន្ទុទៅហើយ។ នេះសបញ្ជាក់ថាក្រុមទាំងអស់ខាងលើ បើទោះជាលេងចាញ់ប្រកួតចុងក្រោយ ក៏នៅមានឱកាសបានលេខ៣ល្អ ដើម្បីឡើងទៅវគ្គបន្ដទៀតដែរ។

ត្រលប់ទៅក្រោយវិញ ហ្វាំងឡង់ និងអ៊ុយក្រែន ក៏មិនទាន់ធ្លាក់នៅឡើយដែរ។ លទ្ធផលក្នុងពូល D និង E អាចឱ្យពួកគេមានឱកាសបានលេខ៣ល្អដូចគ្នា ព្រោះក្នុងពូលទាំង២នេះ ក្រុមលេខ៣ អាចនឹងមានត្រឹម២ពិន្ទុប៉ុណ្ណោះ បើពួកគេបរាជ័យប្រកួតចុងក្រោយ៕

ប្រភព៖ www.afp.com អត្ថបទ៖ ប្រុស យុទ្ធ