- 2021-06-21 07:29:38
- បាល់ទាត់
ឈិន ឈឿន ប្រាប់ចំណុចពិសេសមួយរបស់លោក Lee កាលបង្វឹកនៅជម្រើសជាតិ
- 2021-06-21 07:29:38
- ចំនួនមតិ 0 | ចំនួនចែករំលែក 0
ឈិន ឈឿន ប្រាប់ចំណុចពិសេសមួយរបស់លោក Lee កាលបង្វឹកនៅជម្រើសជាតិ
ចន្លោះមិនឃើញ
ខ្សែការពារស្លាប ឈិន ឈឿន បាននិយាយថា គេមិនដែលគិតដល់ចំនុចដែលលោក Lee Tae Hoon អាចមកកាន់ទឹកដីកម្ពុជាវិញសោះ ពិសេសគឺការដឹកនាំក្រុមរបស់ខ្លួនថែមទៀតផង។ ទន្ទឹមការមកកាន់ក្លឹបនេះ ឈឿន ប្រាប់ចំណុចពិសេសមួយរបស់អ្នកចាត់ការផ្នែកបច្ចេកទេសទ័ពសញ្ជាតិកូរ៉េខាងត្បូងកាលនៅដឹកនាំជម្រើសជាតិកម្ពុជា។
ខ្សែការពារស្លាបដែលមានសមត្ថភាពឡើងទៅប្រយុទ្ធផងដែរនោះខាងលើនិយាយពីចំណុចពិសេសនោះថា កូនសិស្សដែលហាត់ជាមួយលោក Lee ត្រូវទ្រាំបន្តិចហើយ ពីព្រោះបុរសកូរ៉េខាងត្បូងរូបនេះកាចណាស់។ ពិសេសការគោរពវិន័យពេលវេលាហ្វឹកហាត់ ការហ្វឹកហាត់ត្រូវគោរពតាមគោលការណ៍ ពោលធ្វើយ៉ាងណាគោរពច្បាប់ក្នុងនាមជាកីឡាករអាជីព។ និយាយជារួមលោក Lee តម្រូវឲ្យកីឡាករមានការហ្វឹកហាត់ខ្លាំងបំផុតតាមដែលអាចធ្វើទៅបាន។
ការទទួលបានអ្នកចាត់ការល្អបែបនេះ ឈិន ឈឿន មិនដែលគិតដល់ឡើយ ដោយសារគេបានដឹងហើយពីសមត្ថភាពរបស់លោក Lee អាចដឹកនាំក្រុមធំៗនៅក្នុងប្រទេសផ្សេងៗក្រៅពីកម្ពុជាក៏បាន។ លោក Lee Tae Hoon ជាអតីតគ្រូបង្វឹកក្រុមជម្រើសជាតិកម្ពុជា និងគ្រូបង្វឹកក្មេងៗនៅសាលាបាល់ទាត់ជាតិបាទីផងដែរ៕
