- 2021-06-01 03:11:42
- បាល់ទាត់
នេះជាពាក្យចុងក្រោយ Pep ប្រាប់ Aguero៖ "ឯងកំពុងទៅក្លឹបល្អជាងគេលើលោកហើយ"
- 2021-06-01 03:11:42
- ចំនួនមតិ 0 | ចំនួនចែករំលែក 0
នេះជាពាក្យចុងក្រោយ Pep ប្រាប់ Aguero៖ "ឯងកំពុងទៅក្លឹបល្អជាងគេលើលោកហើយ"
ចន្លោះមិនឃើញ
មុនចាកចេញទៅក្លឹប Barcelona ខ្សែប្រយុទ្ធ Sergio Aguero បានទម្លាយឃ្លាចុងក្រោយដែលលោក Pep Guardiola ប្រាប់គេថា៖ "ឯងកំពុងតែទៅក្លឹបដែលល្អជាងគេលើកលោកហើយ"។
Aguero បានបង្ហាញខ្លួនជាកីឡាកររបស់ Barcelona កាលពីយប់មិញ ក្រោយចាកចេញពី Manchester City ដោយសារអស់កុងត្រា។ កីឡាករវ័យ៣២ឆ្នាំបានយល់ព្រមទទួលយកកុងត្រារយៈពេល២ឆ្នាំនៅ Nou Camp ជាមួយតម្លៃទិញផ្ដាច់កុងត្រាដល់ទៅ១០០លានអឺរ៉ូឯណោះ។
មុនមកកាន់ក្លឹបថ្មី Aguero និង Guardiola ក៏បានជួបហូបបាយនិយាយគ្នាផងដែរ។ Aguero បាននិយាយថា៖ "ពេលដែលពួកយើងឈ្នះ Premier League ពួកយើងបានហូបអាហារពេលថ្ងៃត្រង់ជាមួយគ្នា។ ហើយពាក្យដែលខ្ញុំចងចាំ Pep និយាយមកកាន់ខ្ញុំនោះគឺ ឯងកំពុងតែទៅកាន់ក្លឹបល្អជាងគេលើលោកហើយ។ នេះគឺជាពាក្យចុងក្រោយដែលគាត់ប្រាប់ខ្ញុំ"។
ត្បិតតែឈ្នះពានលីគកំពូលរបស់អង់គ្លេសនៅរដូវកាលនេះមែន តែកីឡាករសញ្ជាតិអាហ្សង់ទីនបានខកចិត្តចាញ់ Chelsea នៅវគ្គផ្ដាច់ព្រ័ត្រ Champions League៕
