តាមពិតការលោតសេវាខ្ពស់និងធ្ងន់របស់ ម៉េងហ៊ួង គឺមានបុរសម្នាក់នេះជាអ្នកបង្ហាញផ្លូវ

2021-05-25 07:28:50
បាល់ទះ

2021-05-25 07:28:50
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ចាន់ វិឆាត អតីតជើងខ្លាំងមួយរូបរបស់កម្ពុជាត្រូវបានគេដឹងថា មានជំនាញក្នុងការលោតវាយសេវាធ្ងន់ និងចូលចិត្តបោះបាល់ខ្ពស់ៗ បច្ចុប្បន្នជាគ្រូជំនួយនៅក្លឹបបាល់ទះក្រសួងមហាផ្ទៃគឺអ្នកបង្ហាញផ្លូវដល់ការហាត់រៀនលោតវាយសេវាគប់បែបធ្ងន់ និងបោះបាល់ខ្ពស់ដល់ ធី ម៉េងហ៊ួង ។

លោក ចាន់ វិឆាត ឆ្វេង

អតីតអ្នកដេញបាល់លឿនរូបនេះបានរៀបរាប់ថា «យើងជាគ្រូយើងដើរមុនយើងដឹង។ យើងឃើញចំណុចណាល្អយើងត្រូវតែប្រាប់ ការលោតសេវានេះក៏ដូចគ្នាគឺខ្ញុំតែងតែប្រាប់ជារឿយៗថាធ្វើបែបណាអាចលោតបានល្អ»។

របៀបលោតរបស់លោក ចាន់ វិឆាត និង ធី ម៉េងហ៊ួង គឺដូចគ្នា១០០% ទីមួយគឺការបោះបាល់ខ្ពស់ទៅលើ ហើយប្រឹងលោតសំកោងខ្លួនយោគមួយទំហឹងដៃ ដែលធ្វើបាល់វាយសេវា ដែលចេញពីដៃមួយគ្រាប់ៗគឺធ្ងន់។ មែនទែនទៅលោកថា សម្រាប់ ម៉េងហ៊ួង លោតខ្ពស់ធ្ងន់តែស្ទើរច្បាស់បន្តិចគឺការទះសេវាមិនទាន់ច្បាស់ប្រអប់ល្អ បើធ្ងន់ហើយច្បាស់ប្រអប់ទៀតពិតជាពិបាកចាប់កាន់តែខ្លាំង។ និយាយទៅកាលលោក ចាន់ វិឆាត នៅលោតរួច សេវារបស់លោកល្អណាស់និយាយរួមមិនងាយចាប់ទេ ច្បាស់និងធ្ងន់ ព្រោះថាលោកលោតបានខ្ពស់ ប៉ុន្តែរបៀបយកអេឡង់វៃសេវារបស់លោកត្រូវការទីតាំងធំទូលាយទើបវាយបាន៕