- 2021-05-24 04:27:18
- បាល់ទាត់
Suarez អរគុណ AT Madrid ដែលទទួលយកខ្លួន ខុសពី Barca ដែលមិនឲ្យតម្លៃ
- 2021-05-24 04:27:18
- ចំនួនមតិ 0 | ចំនួនចែករំលែក 0
Suarez អរគុណ AT Madrid ដែលទទួលយកខ្លួន ខុសពី Barca ដែលមិនឲ្យតម្លៃ
ចន្លោះមិនឃើញ
Luis Suarez បានបញ្ជាក់ច្បាស់ថា គេនឹងបន្តនៅ Atletico Madrid នៅរដូវកាលក្រោយទៀត ក្រោយជួយក្រុមលើកពាន La Liga កាលពីចុងសប្ដាហ៍។
ខ្សែប្រយុទ្ធវ័យ៣៤ឆ្នាំបានចុះកុងត្រារយៈពេល២ឆ្នាំ ពេលដែលគេចូលរួមជាមួយ Atletico ផ្លាស់ពីក្លឹប Barcelona កាលពីរដូវក្ដៅមុន។ នៅរដូវកាលដំបូងជាមួយក្លឹបថ្មី គេបានសាងស្នាដៃជួយក្រុមឲ្យឈ្នះពានលីគ និងរួមចំណែករកបាន២១គ្រាប់ក្នុងរដូវកាលនេះ។
សួរនាំពីរឿងអនាគត Suarez បញ្ជាក់ច្បាស់ៗថា ៖”ប្រាកដណាស់ ខ្ញុំនឹងបន្តនៅជាមួយក្លឹប។ Atletico បានស្វាគមន៍ខ្ញុំ តាំងពីនាទីដំបូងដែលខ្ញុំមកដល់។ នេះជាអ្វីដែលពួកគេបានសង្គ្រោះខ្ញុំ”។ Suarez បន្ថែមទៀតថា គេចង់បន្តសាងប្រវត្តិសាស្រ្ដបន្ថែមនៅក្លឹប AT Madrid។
អំឡុងពេលលើកពាន ក្រោយឈ្នះនៅណាត់ប្រកួតចុងក្រោយលើ Valladolid ខ្សែប្រយុទ្ធសញ្ជាតិអ៊ុយរុយហ្គាយបានទូរសព្ទទៅគ្រួសារទាំងទឹកភ្នែក ព្រោះរំភើបពេក។ Suarez ក៏បានរំឮកអំពី Barcelona ដែរ ដោយចោទក្លឹបនេះមិនបានឲ្យតម្លៃគេបន្តិចសោះ ហើយបែរជា Atletico យល់ព្រមបើកទ្វារស្វាគមន៍ទទួលយករូបគេទៅវិញ៕
