/60a24f16b49e5_1621249800_medium.jpg)
- 2021-05-17 11:35:54
- បាល់ទាត់
Bruno ទម្លាយថា ចង់ជួប Sir Alex ដើម្បីពិភាក្សារឿងនេះ
- 2021-05-17 11:35:54
- ចំនួនមតិ 0 | ចំនួនចែករំលែក 0
Bruno ទម្លាយថា ចង់ជួប Sir Alex ដើម្បីពិភាក្សារឿងនេះ
ចន្លោះមិនឃើញ
ខ្សែបម្រើក្លឹប Manchester United កីឡាករ Bruno Fernandes បាននិយាយកាលពីពេលថ្មីៗនេះថា គេចង់ជួបលោក Sir Alex Ferguson ដើម្បីពិភាក្សាពីវិធី ដែលធ្វើឲ្យសមត្ថភាពរបស់គេកាន់តែប្រសើរជាងនេះទៀត។
Bruno បាននិយាយថា៖" រឿងដែលខ្ញុំសោកស្ដាយបំផុតតាំងពីចូលលេងឲ្យក្លឹបនេះមក គឺមិនទាន់បាននិយាយជាមួយលោក Sir Alex ឲ្យបានស្រួលបួល។ និយាយទៅខ្ញុំធ្លាប់ជួបគាត់ហើយ តែអត់ដែលមានឱកាសនិយាយរឿង ដែលខ្ញុំចង់និយាយជាមួយគាត់ "។
កីឡាករនេះបន្តថា៖" ខ្ញុំគិតថាអ្នកទាំងអស់គ្នា ដែលធ្លាប់មើល Man Utd គឺប្រាកដជាចាំគាត់ហើយ។ ដូចខ្ញុំអញ្ចឹង ធំដឹងក្ដីមក មើលការលេងក្លឹបហ្នឹង ហើយក្លាយជាអ្នកគាំទ្រ ហើយតាមដានជាប់រហូតពីការវិវត្តក្លឹបហ្នឹង។ អញ្ចឹងបានជាខ្ញុំចង់ជួបគាត់ឲ្យបានស្រួលបួលម្ដង ដើម្បីខ្ញុំសួរគាត់ថា គាត់យល់ឃើញយ៉ាងម៉េចចំពោះសមត្ថភាពខ្ញុំ ហើយខ្ញុំគួរធ្វើអ្វីបន្ថែមទៀត ដើម្បីឲ្យខ្ញុំលេងកាន់តែប្រសើរក្នុងការប្រកួត "។
លោក Sir Alex ជាអតីតអ្នកដឹកនាំក្លឹប Man Utd ដ៏ជោគជ័យមួយរូបតាំងពីឆ្នាំ១៩៨៦ ដល់ឆ្នាំ២០១៣ ដោយធ្លាប់ឈ្នះពានតូចធំជូនដល់ក្លឹបជាច្រើន ក្រោយមកលោកក៏ត្រូវបានក្លឹបដំឡើងតួនាទីជាសមាជិកក្រុមក្រុមប្រឹក្សាភិបាល មកទល់នឹងពេលបច្ចុប្បន្ននេះ៕
