- 2021-05-06 03:17:51
- បាល់ទាត់
Chelsea ទៅមុខហើយ តែ Mount ឆ្លៀតងាកក្រោយប្រើសម្ដីបាញ់ Kroos មួយគ្រាប់
- 2021-05-06 03:17:51
- ចំនួនមតិ 0 | ចំនួនចែករំលែក 0
Chelsea ទៅមុខហើយ តែ Mount ឆ្លៀតងាកក្រោយប្រើសម្ដីបាញ់ Kroos មួយគ្រាប់
ចន្លោះមិនឃើញ
ខ្សែបម្រើ Mason Mount បានឆ្លៀតឌឺដងដាក់ Toni Kross បន្ទាប់ពី Chelsea បានយកឈ្នះ Real Madrid ទទួលបានឱកាសឡើងវគ្គផ្ដាច់ព្រ័ត្រ Champions League។
សម្រាប់ជ័យជម្នះរបស់ Chelsea ២-០ ជើងទីពីរលើ Madrid កីឡាករសញ្ជាតិអង់គ្លេស Mount ក៏រួមចំណែករកបានមួយគ្រាប់ដែរនៅវគ្គទីពីរ។ ក្រុមរហស្សនាមតោខៀវនឹងឡើងទៅជួប Manchester City ក្នុងវគ្គផ្ដាច់ព្រ័ត្រនៅចុងខែនេះក្នុងទីក្រុង Istanbul។
ថ្លែងក្រោយការប្រកួតចប់ Mount បាននិយាយបែបបញ្ឆិតបញ្ឆៀងទៅកាន់ Kroos បន្ទាប់ពីខ្សែបម្រើរបស់ Madrid រូបនេះនិយាយមុនការប្រកួតថា គ្មានគូប្រជែងណាមួយក្នុងអាជីពធ្វើឲ្យគេភ័យខ្លាចនោះទេ។
សន្ទនាជាមួយ CBS Sport ខ្សែបម្រើ Mount និយាយថា៖ “ខ្ញុំឃើញកីឡាកររបស់ពួកគេ (Madrid) ម្នាក់និយាយមុនការប្រកួតថា គេមិនដែលភ័យខ្លាចឡើយសម្រាប់ខ្លួនឯង។ ប៉ុន្តែជាក្រុមមួយ ពួកគេត្រូវតែភ័យចំពោះពួកយើងជាក្រុមតែម្ដង”៕
