/609280e570d87_1620213960_medium.jpg)
- 2021-05-05 11:30:53
- បាល់ទាត់
Pepថា ភាពជោគជ័យរបស់ Man City មកទល់នឹងថ្ងៃនេះ មិនមែនដោយសារលុយទាំងស្រុងទេ
- 2021-05-05 11:30:53
- ចំនួនមតិ 0 | ចំនួនចែករំលែក 0
Pepថា ភាពជោគជ័យរបស់ Man City មកទល់នឹងថ្ងៃនេះ មិនមែនដោយសារលុយទាំងស្រុងទេ
ចន្លោះមិនឃើញ
លោក Pep Guardiola អ្នកចាត់ការក្លឹប Manchester City បាននិយាយក្រោយប្រកួតឈ្នះ Paris Saint Germain ក្នុងលទ្ធផល ២-០ នៅប្រកួត UEFA Champions League ពាក់កណ្ដាលផ្ដាច់ព្រ័ត្រជើងទី២ កាលពីម្សិលមិញនេះថា ភាពជោគជ័យរបស់ក្លឹបមកទល់នឹងថ្ងៃនេះ មិនមែនដោយសារលុយទាំងស្រុងនោះទេ។
លោក Pep បាននិយាយថា៖" រាល់ថ្ងៃនេះកីឡាករយើងទាំងអស់ខិតខំ និងលេងបានល្អជាប់រហូត។ ពួកគេស៊ុតបាល់ចូលតាមប្រលោះចង្កេះខ្សែការពារអីណោះដូចកាលពីប្រកួតជើងទី១អញ្ចឹង។ រួចនៅប្រកួតលើកនេះកីឡាករយើងម្នាក់បានស៊ុតប៉ះរបារទីអីដែរ តែអ្នកប្រហែលជាដឹងពីទម្រង់គេតិចតួចណាស់ "។
លោកបានបន្តថា៖" និយាយទៅការប្រកួតពិបាកៗអញ្ចឹង ទាមទារទាល់តែកីឡាករហ្នឹងស្វះស្វែង ចូលរួមណាស់។ អញ្ចឹងហើយខ្ញុំចង់អរគុណដល់ម្ចាស់ក្លឹប Man City ប្រធានក្រុមប្រឹក្សាភិបាល បុគ្គលិកក្លឹបនេះទាំងអស់។ ក្លឹបនេះបានមកដល់ដូចពេលនេះគឺដោយសារតែអ្នកគ្រប់គ្នានៅពីក្រោយជួយមកដល់ទីនេះ មិនមែនដោយសារតែមានលុយទាំងស្រុងនោះទេ។ បើអ្នកយល់ឃើញថាក្លឹបនេះជោគជ័យដោយសារតែលុយតែមួយមុខ អ្នកគិតខុសហើយ "។
ក្លឹប Manchester City បានឡើងទៅប្រកួត UCL វគ្គផ្ដាច់ផ្ដាច់ព្រ័ត្រ ក្រោយឈ្នះ PSG ម្សិលមិញនេះ៕
ប្រភព៖ Fotmob
