នេះហើយជាមូលហេតុ Marcio Marques ប៉ងជួបតារាចម្រៀង Rap វណ្ណដា!

2021-04-22 02:25:05
បាល់ទាត់

2021-04-22 02:25:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗ Marcio Maរques បានបង្ហោះសារចង់ជួបតារាងចម្រៀង Rap វ៉ាន់ដា លើបណ្ដាញសង្គមរបស់ហ្វេសប៊ុករបស់ខ្លួន។ តើអ្វីទៅជាមូលហេតុដែលខ្សែប្រយុទ្ធរបស់ក្លឹបណាហ្គាវើលដ៍ ប៉ង់ចង់ជួបតារាចម្រៀងល្បីឈ្មោះរូបនេះ?

Marcio Marques និង គួច ដានី

ជុំវិញសំណួរនេះខ្សែប្រយុទ្ធសញ្ជាតិប្រេស៊ីលបានឆ្លើយតបថា គេចាប់ផ្ដើមចូលចិត្តវ៉ាន់ដា ក្រោយរូបគេស្ដាប់បទ "ម្ដាយ" របស់វ៉ាន់ដាចេញផ្សាយកាលពីដើមឆ្នាំ២០២០។

ខ្សែប្រយុទ្ធទើបរកបាន២គ្រាប់ឱ្យម្ចាស់ជើងឯកលីគកំពូលកម្ពុជា៣សម័យកាល បានបញ្ជាក់ថា ៖«និយាយឱ្យស្មោះត្រង់ទៅ ខ្ញុំចង់ជួបវ៉ាន់បន្ទាប់ពីប្អូនប្រុសរបស់ខ្ញុំ Booysen Shane បង្ហាញខ្ញុំបទ "ម្ដាយ" របស់វ៉ាន់ដា។ គាត់ប្រាប់ខ្ញុំអំពីប្រវត្តិរបស់វ៉ាន់ដាក្នុងប្រទេសកម្ពុជា ខ្ញុំពិតជាចូលចិត្តរឿងជីវិតគាត់។ គាត់ជាមនុស្សរឹងមាំ និងបានយកឈ្នះអ្វីៗជាមួយការងារដ៏ល្អក្នុងនាមជា Rapper។ បន្ទាប់មកខ្ញុំចាប់ផ្ដើម Follow និងស្ដាប់បទគាត់នៅផ្ទះរាល់ថ្ងៃ»។

កីឡាករបរទេសមកលេងនៅលីគកំពូលកម្ពុជា២រដូវកាលរូបនេះ បានចាត់ទុកវ៉ាន់ដាជា Idol ដូច្នេះហើយទើបគេសង្ឃឹមនឹងបានជួបតារាងចម្រៀងរូបនេះថ្ងៃណាមួយជាមិនខាន។ ជាមួយគ្នានេះដែរ Mcario ក៏បានសរសើរបទ "Time to Rise" ដោយលើកឡើងថាពួកគេផលិតចម្រៀងមួយបទនេះបានល្អខ្លាំងណាស់៕

អត្ថបទ៖ អ៊ុំ សុភក្តិ