- 2021-04-12 07:32:47
- បាល់ទះ
ផុល រតនៈ ទម្លាយមូលហេតុនាំឲ្យខ្លួនវ៉ៃបាល់លឿនបានល្អ
- 2021-04-12 07:32:47
- ចំនួនមតិ 0 | ចំនួនចែករំលែក 0
ផុល រតនៈ ទម្លាយមូលហេតុនាំឲ្យខ្លួនវ៉ៃបាល់លឿនបានល្អ
ចន្លោះមិនឃើញ
ស្មាត់អ្នកដេញបាល់លឿនរបស់ក្លឹបបាល់ទះវិសាខា ផុល រតនៈ បានបង្ហាញឲ្យមហាជនមើលឃើញថា គេជាស្មាត់វ៉ៃបានល្អកាលប្រកួតកន្លងមក មិនថាការប្រកួតប៉ះក្រុមណាណា។ បន្ទាប់ពីធ្លាប់ហាត់ច្រើនឆ្នាំ និងមានបទពិសោធធ្លាប់ចេញទៅប្រកួតក្រៅប្រទេសផងនោះ ពេលនេះស្មាត់មកពីខេត្តព្រៃវែងរូបនេះ ទម្លាយមូលហេតុនៃការវ៉ៃបាល់លឿនបានល្អរបស់គេ។
យុវជនវ័យ២១ ឆ្នាំកម្ពស់១,៨៨ ម៉ែត្ររូបនេះបានរៀបរាប់ឲ្យដឹងថា ការដេញបាល់លឿនបានល្អគឺជាការសហការគ្នាបានល្អជាមួយអ្នកលើកបាល់។ មុនពេលឡើងវ៉ៃ អ្នកប៉ះសេឲ្យសញ្ញាប្រាប់មុនថា ខ្លួនត្រូវវ៉ៃបាល់ណា បាល់ខ្លី ឬបាល់វែង ដើម្បីឲ្យមានភាពងាយស្រួលអ្នកប៉ះសេបាញ់បញ្ចូលដៃអ្នកវ៉ៃ ហើយអ្នកវ៉ៃលោតចាំវ៉ៃពេលបាល់ដល់ប្រអប់ដៃរបស់ខ្លួន។
ផុល រតនៈ ជាកីឡាករមកពីខេត្តព្រៃវែង ចូលហាត់ដំបូងនៅឆ្នាំ២០១៧ ជាមួយក្លឹបបាល់ទះវិសាខា មានបងប្អូនពីរនាក់ ខ្លួនជាកូនទី១ ប្អូនប្រុសបង្កើតឈ្មោះ ផុល វឌ្ឍនា ។ មានឪពុកឈ្មោះ ម៉ិល សុផាន មុខរបរជាកសិករ ម្ដាយឈ្មោះ ស៊ូ សាផាន មុខរបរលក់ដូរបន្តិចបន្តួច។ គេក៏បានជាប់ជម្រើសជាតិទៅលេងស៊ីហ្គេមកាលឆ្នាំ២០១៩ផងដែរ៕