/Football(51)/606eb8977d3e3_1617868920_medium.jpg)
- 2021-04-08 08:06:26
- បាល់ទាត់
គ្រូ Granada ៖យប់នេះ យើងប្រកួតជាមួយយក្សហើយ
- 2021-04-08 08:06:26
- ចំនួនមតិ 0 | ចំនួនចែករំលែក 0
គ្រូ Granada ៖យប់នេះ យើងប្រកួតជាមួយយក្សហើយ
ចន្លោះមិនឃើញ
ក្រុម Granada នឹងត្រូវប្រកួតជាមួយក្រុមបិសាចក្រហម Manchester United នៅម៉ោង២រំលងអាធ្រាត្រ សម្រាប់ការប្រកួតពានរង្វាន់ Europa League នៅរាត្រីនេះ។
មុនការប្រកួតខាងលើចាប់ផ្ដើម លោកDiego Martínez គ្រូបង្វឹកក្រុម Granada បាននិយាយថា៖ “ប្រសិនបើយើងគិតច្រើនពេក យើងមិនគួរចេញមុខទៅប្រកួតនោះទេ ហើយយើងដឹងហើយថាយើងនឹងជួបជាមួយក្រុមយក្សមួយ។ ដូច្នេះអ្វីដែលយើងត្រូវលើកទឹកចិត្តខ្លួនឯងនោះ គឺត្រូវលេងជាក្រុមឱ្យបានល្អបំផុត។ មានពេល១៨០នាទីនិងម៉ោងថែមទៀត សម្រាប់ការប្រកួតប្រជែងនេះ។ យើងត្រូវតែធ្វើឱ្យបានល្អបំផុត”។
រំលឹកថា Granada របស់អេស្ប៉ាញ លេងនៅលីគមិនបានល្អប៉ុន្មាននោះទេ ខណៈដែល៣ប្រកួតចុងក្រោយរបស់គេវិញក៏ចាញ់ទាំង៣ប្រកួតផងដែរ។ បច្ចុប្បន្ននេះ ពួកគេកំពុងឈរនៅលេខ៩ឯណោះក្នុងលីគ La Liga ។ ឡើងមកវគ្គ៨ក្រុមចុងក្រោយនេះ ដោយឈ្នះ Molde ក្នុងលទ្ធផល ៣-២។
ដោយឡែកបើងាកទៅមើលក្រុម Man Utd វិញ ហាក់ធ្វើបានល្អច្រើន។ ពួកគេឈរនៅលេខ២ក្នុងលីគ ហើយនៅក្របខណ្ឌ Europa League នេះវិញ ឡើងមកដោយយកឈ្នះលើក្រុមខ្លាំងអ៊ីតាលី ២-១៕
