មិនធម្មតា! ក្រុមហ៊ុនជាច្រើនទាក់ទងប្រុសស្អាត លី វ៉ាហេដ ស្របពេកកូវីដ-១៩កំពុងផ្ទុះ

2021-03-31 07:51:10
បាល់ទាត់

2021-03-31 07:51:10
ចំនួនមតិ 0 | ចំនួនចែករំលែក 0

ចន្លោះមិនឃើញ

រដូវប្រាំងត្រូវបានចាត់ទុកជារដូវច្រូតកាត់ និងប្រមូលផល សម្រាប់សិល្បករសិល្បការិនី តាមរយៈការច្រៀង សម្ដែង ឬថតស្ពតពាណិជ្ជកម្មជាដើម។ ប៉ុន្តែដោយសារវិបត្តិជំងឺកូវីដ-១៩ អ្នកខ្លះស្ទើរតែបាត់បង់ និងអ្នកខ្លះទៀតបាត់ចំណូលពីរបរអស់នេះទាំងស្រុងតែម្ដង។

ជាក់ស្ដែង លី វ៉ាហេដ ប្រុសស្អាតប្រចាំក្លឹបបាល់ទាត់បឹងកេត មានក្រុមហ៊ុនមួយចំនួនបានទាក់ទងគេថតស្ពត ប៉ុន្តែខ្សែការពាររូបនេះមិនទាន់ទទួលទេ ដោយរងចាំមើលស្ថានភាពកូវីដ-១៩នៅកម្ពុជាល្អប្រសើរឡើងវិញសិន។

ខ្សែការពារជម្រើសជាតិកម្ពុជា មកពីខេត្តកំពង់ចាមប្រាប់ថា ៖«មានពីរទៅបីដែរតើបង តែគ្រាន់ថាយើងអត់ទាន់ច្បាស់ យើងកំពុងវឹកវរ យើងអត់ហ៊ានទទួលគេ គេអត់ទាន់ហ៊ានឲ្យយើងថត...មានគេទាក់ទងមកដែរ សួរថាកាលអាចថតបាន ខ្ញុំប្រាប់ថាអត់ទាន់បានទេ ព្រោះអីស្រុកទេសកំពុងវឹកវរបញ្ហាកូវីដ ចឹងយើងចូលរួមការពារទប់ស្កាត់ទាំងអស់គ្នា»។

យ៉ាងណាចំពោះរឿងប្រាក់ចំណូល ដែលបានមកពីការងារថតស្ពតនេះ ម្ចាស់ចិត្តរបស់អ្នកនាង សុខ សុម៉ាវត្តី មិនបានបង្ហើបឲ្យដឹងឡើយ។

បច្ចុប្បន្នប្អូនប្រុសបង្កើតរបស់ខ្សែបម្រើលេចធ្លោរ លី មីហ្សាន ពឹងលើប្រាក់ខែក្លឹប និងទំនងបានកម្រៃខ្លះៗពីការងារទូតសុច្ឆន្ទៈអីជាដើម។ គួរបញ្ជាក់ថា លី វ៉ាហេដ បានប្រឡូកក្នងវិស័យសិល្បៈ និងថតស្ពតប្រហែលតាំងពីឆ្នាំ២០១៦-២០១៧មកម្ល៉េះ៕

អត្ថបទ៖ អ៊ុំ សុភក្តិ