- 2021-03-09 02:48:42
- បាល់ទាត់
Pirlo ថា Ronaldo កំពុងតែក្ដៅពុះកញ្ជ្រោលចង់ស៊ី Porto វិញឲ្យបាន
- 2021-03-09 02:48:42
- ចំនួនមតិ 0 | ចំនួនចែករំលែក 0
Pirlo ថា Ronaldo កំពុងតែក្ដៅពុះកញ្ជ្រោលចង់ស៊ី Porto វិញឲ្យបាន
ចន្លោះមិនឃើញ
អ្នកចាត់ការ Andrea Pirlo បាននិយាយថា Cristiano Ronaldo កំពុងតែពុះកញ្ជ្រោល និងត្រៀមរួចរាល់បន្ទាប់ពីបានសម្រាក ដើម្បីប្រកួត Juventus ប៉ះ Porto ពាន Champions League។
Pirlo បានសម្រេចចិត្តឲ្យម្ចាស់ពាន Ballon d’Or ៥សម័យលេងតែ២១នាទីប៉ុណ្ណោះ ក្នុងជំនួបឈ្នះ Lazio ៣-១ កាលពីថ្ងៃសៅរ៍។ Juventus នឹងលេងជើងទីពីរទល់នឹង Porto នៅរាត្រីនេះម៉ោង៣:០០នាទីទៀបភ្លឺ។
ការសម្រេចចិត្តឲ្យ Ronaldo សម្រាកក្នុងការប្រកួតជាមួយ Lazio ដោយសារលោក Pirlo ចង់ឲ្យគេត្រៀមកម្លាំងឲ្យពេញៗ។ សម្រាប់កីឡាករផ្ទាល់ពិតជាចង់លេងសងសឹកឲ្យក្រុមណាស់ ក្រោយចាញ់ជើងទីមួយ ២-១។
អ្នកចាត់ការ Pirlo បានប្រាប់សារព័ត៌មានមុនជំនួបវគ្គ១៦ក្រុមចុងក្រោយក្នុងទីក្រុង Turin ថា Cristiano Ronaldo មិនមានបញ្ហាអ្វីទេ នេះគឺជាការប្រកួតរបស់គេ។ គេកំពុងពុះកញ្ជ្រោល។ គេទទួលបានការសម្រាក និងកំពុងរងចាំការប្រកួត។ Pirlo បញ្ជាក់ថែមទៀតថា ខ្សែការពារ Giorgio Chiellini និង Matthijs de Ligt អាចនឹងត្រឡប់មកទាន់ពេល ដើម្បីប្រកួតនឹង Porto៕