មកស្គាល់ខ្សែប្រយុទ្ធដ៏គ្រោះថ្នាក់ក្លឹបធំៗទាំង៦លីគរដូវកាលនេះ

2021-03-05 03:58:28
បាល់ទាត់

2021-03-05 03:58:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលកម្ពុជា នឹងចាប់ផ្ដើមនៅចុងសប្ដាហ៍នេះ ស្របពេលក្លឹបធំៗនីមួយៗបាននាំយកកីឡាករល្អៗមកពង្រឹងក្រុមរួចរាល់ សម្រាប់ត្រៀមប្រជែងគ្នា។ ដើម្បីឲ្យប្រិយមិត្តដឹងច្បាស់ពីខ្សែប្រយុទ្ធដ៏គ្រោះថ្នាក់របស់ក្លឹបធំៗទាំង៦មាន បឹងកេត ភ្នំពេញក្រោន, ណាហ្គាវើល, ព្រះខ័នរាជស្វាយរៀង, វិសាខា និង Angkor Tiger ពេលនេះ Sabay សូមបង្ហាញជូន៖

១- បឹងកេត ៖ បឹងកេតជាក្រុមជើងឯកចាស់កាលពីរដូវកាលមុន ឆ្នាំនេះពួកគេមានខ្សែប្រយុទ្ធដល់ទៅ ៤ នាក់ដែលសុទ្ធតែជាកីឡាករល្អគឺមាន ចាន់ វឌ្ឍនាកា , ខ្សែប្រយុទ្ធសញ្ជាតិ សឺប៊ី RAJKOVIC MARKO, សៀង ចន្ធា និង ម៉ាត់ ណូរុន ទាំង៤នាក់នេះអាចថា ជាមុខសញ្ញាគ្រោះថ្នាក់ខ្លាំងសម្រាប់ក្រុមផ្សេងៗ។

RAJKOVIC MARKO

២- ភ្នំពេញក្រោន៖ ជើងខ្លាំងរបស់កម្ពុជាមួយនេះមានទម្រង់លេងប្លែកឆ្នាំនេះ សម្រាប់ខ្សែប្រយុទ្ធ ដែលជាមុខសញ្ញាគ្រោះថ្នាក់គឺមាន Matheus Souza E Silva សញ្ជាតិប្រេស៊ីល, Valeril Hryshyn សញ្ជាតិអ៊ុយក្រែន និង Rafael Adres Nieto Rondon សញ្ជាតិកូឡុំប៊ី ។

៣- ណាហ្គាវើល ៖ ក្លឹបខ្លាំងនិងជំនាញក្នុងការការពារមួយនេះ មានខ្សែប្រយុទ្ធចំណូលថ្មី ដែលជាមុខសញ្ញាគ្រោះថ្នាក់នោះគឺ ខ្សែប្រយុទ្ធសញ្ជាតិរូម៉ានី Leuca Petru គឺជាកីឡាករមានបទពិសោធច្រើននៅអឺរ៉ុប។

៤- ព្រះខ័នរាជស្វាយរៀង ៖ ជើងខ្លាំងរបស់កម្ពុជាមួយនេះមានខ្សែប្រយុទ្ធ ដែលគេកំពុងចាប់អារម្មណ៍យ៉ាងច្រើន សម្រាប់អ្នកដែលត្រូវបានគេរំពឹងថា នឹងគ្រោះថ្នាក់នោះគឺមាន Jean Marie Privat Befolo Mbarga , Miguel Angel JuncoMartinez និង ខ្សែប្រយុទ្ធ LOPEZ MENDY ROBERT WALY ។

៥- វិសាខា ៖ ក្លឹបអ្នកមានមួយនេះ បានចាយលុយជាច្រើនដើម្បីនាំយកកីឡាករល្អៗមកពង្រឹងក្រុម។ ចំណែកខ្សែប្រយុទ្ធដែលគេមើលឃើញថា ជាមុខសញ្ញាគ្រោះថ្នាក់សម្រាប់ក្រុមនេះគឺមាន អ្នកជំនាញប្រើក្បាល Marcus Haber, រ៉ឹង ប៊ុនហៀង, កែវ សុខផេង និង Mustafa Zazai ។

៦- Angkor Tiger ៖ បើមើលទៅលើការរៀបចំរបស់គេឆ្នាំនេះ Tiger មិនណយទេ ពោលគឺពួកគេបាននាំយកកីឡាករល្អៗមកចូលរួមក្រុមជាច្រើន។ ចំណែកតំបន់ប្រយុទ្ធរបស់គេវិញ បើមើលទៅពិតជាមិនអន់ និងអាចជាកីឡាករបង្កគ្រោះថ្នាក់សម្រាប់គូបដិបក្ខគឺ IAGO BENTO FERNANDES ដែលជាអតីតកីឡាករធ្លាប់លេងនៅលីគកំពូលប្រេស៊ីល ATA JESSE INIA ខ្សែប្រយុទ្ធដែលមានចលនាលឿន និងមានភាពវ័យឆ្លាតចេះបង្កើតឱកាសសម្រាប់ក្រុម៕