- 2021-03-02 03:12:55
- បាល់ទាត់
Everton មានពិន្ទុស្មើជាមួយក្រុម Liverpool ហើយ និងសល់១ប្រកួតក្នុងដៃទៀត
- 2021-03-02 03:12:55
- ចំនួនមតិ 0 | ចំនួនចែករំលែក 0
Everton មានពិន្ទុស្មើជាមួយក្រុម Liverpool ហើយ និងសល់១ប្រកួតក្នុងដៃទៀត
ចន្លោះមិនឃើញ
ក្រុម Everton បានយកឈ្នះលើក្រុម Southampton ក្នុងលទ្ធផល ១-០ សម្រាប់ការប្រកួតពានរង្វាន់ English Premier League នៅយប់មិញនេះ។
១គ្រាប់របស់ខ្សែប្រយុទ្ធប្រេស៊ីល Richarlison ធ្វើបានសម្រេចនៅនាទីទី៩ បានជួយក្រុម Everton យកបាន៣ពិន្ទុយ៉ាងសំខាន់ទៅហើយសម្រាប់ការប្រកួតមួយនេះ។ ក្រុមរបស់លោក Carlo Ancelotti ពេលនេះមានពិន្ទុ៤៣ពិន្ទុស្មើគ្នាជាមួយក្រុម Liverpool ដែរ ដែលឈរនៅចំណាត់ថ្នាក់លេខ៦ក្នុងតារាង។ ខណៈដែលក្រុម Everton នេះទៀតសោត នៅសល់ការប្រកួតក្នុងដៃ១ប្រកួតទៀតដែលអាចធ្វើឱ្យពួកគេនឹងហក់ឡើងដល់លេខ៤ឯណោះ បើសិនប្រកួតទី២៦ ឈ្នះទៀត។
លោក Ancelotti បានបញ្ជាក់ថាក្រុមរបស់លោកកំពុងមានក្ដីស្រមៃដើម្បីបានចូលតំបន់ Top4 នារដូវកាលនេះ។ ខណៈដែលការស្រមៃនេះនឹងក្លាយជាការពិតមិនខាន ប្រសិនបើពួកគេបន្ដធ្វើបានល្អនាការប្រកួតបន្ដបន្ទាប់ទៀត៕