/603508fe0af3a_1614088440_medium.jpg)
- 2021-02-23 14:00:52
- បាល់ទាត់
James បកស្រាយពីអនាគតខ្លួននៅ Everton ខណៈឮថាចង់ទៅអេស្ប៉ាញវិញ
- 2021-02-23 14:00:52
- ចំនួនមតិ 0 | ចំនួនចែករំលែក 0
James បកស្រាយពីអនាគតខ្លួននៅ Everton ខណៈឮថាចង់ទៅអេស្ប៉ាញវិញ
ចន្លោះមិនឃើញ
ខ្សែបម្រើក្លឹប Everton កីឡាករ James Rodriguez បាននិយាយកាលពីប្រកួតចប់នឹងក្លឹប Liverpool កាលពីថ្ងៃទី២០ ខែកុម្ភៈ ឆ្នាំ២០២១ក្នុងលទ្ធផលឈ្នះ ២-០ កន្លងទៅនេះថា គេនឹងនៅបន្តរួមសុខរួមទុក្ខជាក្លឹបនេះទៀត មិនរត់ចោលទៅណាទេ។
Rodriguez បាននិយាយថា៖" ខ្ញុំនៅពេញចិត្តនឹងជួយ Everton ទៀត។ ដូចការឈ្នះខាងលើនេះជារឿងប្រវត្តិសាស្ត្រមួយសម្រាប់យើង ព្រោះយើងអត់ដែលឈ្នះក្លឹបហ្នឹងទេតាំង ឆ្នាំ១៩៩៩ មក។ អញ្ចឹងខ្ញុំសង្ឃឹមថា នឹងអាចបន្តជាក្លឹបនេះយូរទៀត "។
កីឡាករខាងលើបានបន្តថា៖" និយាយទៅខ្ញុំពេញចិត្តនឹងនៅទីនេះ។ ខ្ញុំអាយុជិត ៣០ឆ្នាំទៅហើយអញ្ចឹងអីក៏ខ្ញុំពេញចិត្តដែរ។ ខ្ញុំនឹងរួមសុខរួមទុក្ខជាមួយក្លឹបនេះឲ្យបានយូរ មិនទៅណាទេ នឹងខំឲ្យឈ្នះច្រើនជាងនេះ "។
គួរបញ្ជាក់ផងដែរថា កាលពីពេលថ្មីៗនេះមានពាក្យចចាមអារ៉ាមជាច្រើនបានលើកឡើងថា Rodriguez អាចនឹងចេញពី Everton ទៅកាន់ Atletico Madrid នៅរដូវកាលក្ដៅខាងមុខ៕
