- 2021-02-23 11:03:40
- បាល់ទាត់
បេក្ខភាពប្រធានក្លឹប Barca សន្យាថា នឹងទិញ Super Star បាល់ទាត់ចំនួន ៣រូប បើជាប់ឆ្នោត
- 2021-02-23 11:03:40
- ចំនួនមតិ 0 | ចំនួនចែករំលែក 0
បេក្ខភាពប្រធានក្លឹប Barca សន្យាថា នឹងទិញ Super Star បាល់ទាត់ចំនួន ៣រូប បើជាប់ឆ្នោត
ចន្លោះមិនឃើញ
លោក Toni Feixa បេក្ខភាពប្រធានក្លឹប Barcelona បាននិយាយកាលពីពេលថ្មីៗនេះថា លោកមានកញ្ចប់ទឹកប្រាក់ចំនួនជាង ៣០០លានដុល្លារ សម្រាប់ត្រៀមក្នុងការនាំចូល Super Star ចំនួន ៣រូប ហើយថែមទាំងបង្ហើបថា សូម្បីតែកាលីពខ្សែប្រយុទ្ធ Kylian Mbappe និង Erling Haaland ក៏អាចទិញចូលបានដែរ។
លោកបានលើកឡើងថា៖ " យើងកំពុងតែខិតខំធ្វើការណាស់ ហើយអាចនិយាយបានថា យើងបានព្រមព្រៀងជាមួយអ្នកវិនិយោគ ដែលនឹងចាក់លុយជាង ៣០០លានដុល្លារទៅកាន់ក្លឹប ហើយយើងនឹងឲ្យគេចូលហ៊ុន ៤៩ភាគរយ " ។
លោកបានបន្តថា៖ " ទោះបីត្រូវឆ្លងកាត់សន្និបាតក្លឹបសិន ខ្ញុំគិតថាយើងអាចជួយសម្រួលស្ថានភាពសេដ្ឋកិច្ច ដែលធ្វើឲ្យយើងអាចធ្វើការសម្រេចផ្នែកកីឡាបាន។ នៅរដូវកាល២០២១/២២ យើងនឹងនាំចូល កីឡាករឆ្នើមចំនួន ៣៖ ប្រយុទ្ធ ២ ការពារ ១ " ។
បេក្ខភាពប្រធានក្លឹប Barcelona រូបនេះជឿជាក់ថា គ្រូបង្គោល Ronald Koeman នឹងពេញចិត្តសមាសភាពកីឡាករទាំង ៣រូបនោះ។ លោកក៏ទម្លាយថា ការនាំចូលខ្សែប្រយុទ្ធ Mbappe និង Haaland សុទ្ធតែអាចទៅរួចទាំងអស់។
សូមជម្រាបផងដែរថា Barcelona នឹងបោះឆ្នោតជ្រើសរើសប្រធានក្លឹបរបស់ខ្លួននៅក្នុងថ្ងៃទី៧ ខែមីនា ឆ្នាំ២០២១៕