- 2021-02-19 12:14:06
- ព័ត៌មាន
តភាគរឿង Messi៖ Man City អត់បាន និងមិនដែលចូលរួមដេញថ្លៃយកទេ
- 2021-02-19 12:14:06
- ចំនួនមតិ 0 | ចំនួនចែករំលែក 0
តភាគរឿង Messi៖ Man City អត់បាន និងមិនដែលចូលរួមដេញថ្លៃយកទេ
ចន្លោះមិនឃើញ
ក្លឹប Manchester City បានធ្វើការបដិសេធថា ខ្លួនមិនដែលដាក់សំណើធ្វើការនាំចូលខ្សែប្រយុទ្ធអាហ្សង់ទីន Lionel Messi មកចូលរួមតំបន់ប្រយុទ្ធរបស់ក្លឹបខ្លួនទេ នេះបើតាមការចុះផ្សាយរបស់សារព័ត៌មាន Goal។
សារព័ត៌មានបាល់ទាត់មួយនេះបានអះអាងថា ខាងអ្នកនាំពាក្យរបស់ក្លឹបធ្វើការច្រានចោលទាំងស្រុងនូវពាក្យចចាមអារ៉ាមទាំងឡាយណា ដែលធ្វើការភ្ជាប់ក្លឹប Manchester City ជាមួយនឹងការចូលរួមដេញថ្លៃយក Messi នៅក្នុងរដូវក្ដៅខាងមុខនេះ ហើយក៏មិនមានកិច្ចចរចាណាមួយជាមួយ Messi ផងដែរ។
មានសេចក្ដីរាយការណ៍ជាច្រើនតាំងពីរដូវក្ដៅឆ្នាំមុន ដែលពាក់ព័ន្ធនឹងរឿង Messi មិនសប្បាយនឹងក្លឹប Barcelona តែចុងបញ្ចប់សាមីខ្លួននៅតែបន្តជាមួយក្លឹបទៀត ហើយការសម្រេចចិត្តនឹងធ្វើឡើងនៅចុងរដូវកាលនេះ ដោយសារតែកុងត្រារបស់ Messi នឹងផុតកំណត់ពាក់កណ្ដាលឆ្នាំនេះហើយ។
កាលពីពេលថ្មីៗនេះ មានសារព័ត៌មានជាច្រើនបានចុះផ្សាយថា Man City បានសំណើខ្ទង់ ៤០០លានដុល្លារ ដើម្បីនាំ Messi មកកាន់ក្របខ័ណ្ឌ Premier League៕