- 2021-02-18 07:50:28
- បាល់ទាត់
ឆ្ងល់ទេ តើអាវកាក់ខ្មៅដែលកីឡាករអាជីពពាក់ពេលហ្វឹកហាត់គឺជាអ្វី?
- 2021-02-18 07:50:28
- ចំនួនមតិ 0 | ចំនួនចែករំលែក 0
ឆ្ងល់ទេ តើអាវកាក់ខ្មៅដែលកីឡាករអាជីពពាក់ពេលហ្វឹកហាត់គឺជាអ្វី?
ចន្លោះមិនឃើញ
អំឡុងពេលម៉ោងហ្វឹកហាត់របស់ក្លឹបធំៗនៅអឺរ៉ុប គេតែងឃើញកីឡាករទាំងអស់ពាក់អាវកាក់ខ្មៅម៉្យាង ដែលធ្វើឲ្យមនុស្សមួយចំនួនមានការឆ្ងល់ជាខ្លាំងថា វាគឺជាអ្វី?
តាមពិតទៅអាវកាក់នេះត្រូវបានគេឲ្យឈ្មោះថា ប្រព័ន្ធតាមដានការអនុវត្តអេឡិចត្រូនិក ឬហៅកាត់ EPTS។ នៅខាងក្រោយអាវមានហោប៉ៅមួយសម្រាប់ដាក់ឧបករណ៍តាមដាន GPS។ ឧបករណ៍នេះជួយ ផ្ដល់នៅមូលដ្ឋានគ្រិះនៃទិន្នន័យ សម្រាប់កីឡាករបាល់ទាត់ ក៏ដូចជាការផ្តល់ជូននូវការគ្រប់គ្រងផ្នែកសុខភាព (តាមដានចង្វាក់ប៉ះដូង), ការវាយតំលៃនៅលើការអនុវត្តផ្ទាល់និងការវិភាគផ្នែកបច្ចេកទេសផងដែរ។
ឧបករណ៍ EPTS មានភាពពេញនិយមមែនទែនសម្រាប់ក្លឹបធំៗបំពាក់ពេលកីឡាករហ្វឹកហាត់ ហើយគេក៏អាចពាក់វាពេលកំពុងលេងបានផងដែរ។ តួយ៉ាងក្លឹបបាល់ទាត់ធំពីរក្នុងលីគកំពូលរបស់កម្ពុជាមាន ភ្នំពេញក្រោននិងព្រះខ័នរាជស្វាយរៀងក៏ធ្លាប់ចុះកុងត្រាជាមួយក្រុមហ៊ុនមួយដើម្បីនាំឲ្យអាវកាក់ពិសេសផ្ដល់ជូនកីឡាករពាក់ហាត់ផងដែរ៕