វីដេអូបង្ហាញពីគ្រោះថ្នាក់យន្តហោះ ដែលឆក់យកជីវិតក្រុមកីឡាករ Man Utd កាលពី ៦៣ឆ្នាំមុន

2021-02-06 14:27:10
ព័ត៌មាន

2021-02-06 14:27:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី៦ ខែកុម្ភៈ ឆ្នាំ១៩៥៨ មានហេតុការណ៍គ្រោះថ្នាក់យន្តហោះដ៏អាក្រក់មួយ បានកើតឡើងនៅទីក្រុង Munich ប្រទេសអាល្លឺម៉ង់ ឆក់យកជីវិតមនុស្ស ២៣នាក់ ក្នុងចំណោមមនុស្សសរុប ៤៤នាក់លើយន្តហោះ ដែលក្នុងនោះ មានកីឡាករក្លឹបបិសាចក្រហម Manchester United ស្លាប់ចំនួន ៨នាក់។

ក្រៅពីកីឡាករ ៨នាក់ អ្នកស្លាប់ផ្សេងទៀត រួមមានបុគ្គលិករបស់ក្លឹប៣នាក់, អ្នកកាសែត៨នាក់, អាកាសយានិក២នាក់ និងអ្នកដំណើរ២នាក់ផ្សេងទៀត។

ដោយឡែកកីឡាករ៩នាក់ និងអ្នកចាត់ការទូទៅលោក Matt Busby បានរួចផុតពីសេចក្ដីស្លាប់។ ទោះជាកន្លងផុត៦៣ឆ្នាំក៏ពិតមែន តែហេតុការណ៍នោះហាក់នៅថ្មីៗ និងជាសុបិនអាក្រក់សម្រាប់អ្នកគាំទ្រ ក៏ដូចជាកីឡាករ Manchester United ដែលនៅរស់រានមានជីវិត។

ជារៀងរាល់ឆ្នាំក្រុមបិសាចក្រហមតែងធ្វើពិធីកាន់ទុក្ខដល់អ្នកស្លាប់ នៅថ្ងៃទី៦ ខែកុម្ភៈ វេលាម៉ោង ៣:០៤នាទីរសៀល ជាពេលដែលយន្តហោះជួបគ្រោះថ្នាក់។

ហេតុការណ៍គ្រោះថ្នាក់យន្តហោះនេះ ក៏ត្រូវបានផលិតជាវីដេអូផងដែរ។ ចង់ដឹងថាគ្រោះថ្នាក់នោះ យ៉ាងណា សូមទស្សនាវីដេអូ ខាងក្រោមនេះ៖