បើចេញពីបឹងកេតមែន មាន២ក្លឹបនេះដែល វឌ្ឍនាកា អាចទៅលេងឲ្យ

2021-02-02 03:04:20
បាល់ទាត់

2021-02-02 03:04:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារដោះដូរកីឡាករកម្ពុជា នឹងបិទទ្វារនាថ្ងៃទី២៨ ខែកុម្ភៈ ឆ្នាំ២០២១ ខាងមុខនេះ ស្របពេលដែលក្លឹបធំៗមួយចំនួនបាននាំយកកីឡាករល្អទាំងក្នុងស្រុក និងក្រៅស្រុក ដើម្បីត្រៀមលេងរដូវកាលថ្មី។

យ៉ាងណាខ្សែប្រយុទ្ធធ្លាប់តែលេចធ្លោ ចាន់ វឌ្ឍនាកា ដែលស្ងាត់មិនទាន់មានព័ត៌មានផ្លូវការណាមួយអំពីការចាកចេញ ឬបន្តនៅជាមួយក្លឹបនេះឡើយ។ សួរថា បើសិនជាចាកចេញមែនកូនអ្នកកំពតរូបនេះ ទំនងនឹងជាអាចលេងផ្ទេរទៅកាន់ពីរនេះគឺ ព្រះខ័នរាជស្វាយរៀង ឬ វិសាខា នេះបើតាមការសន្និដ្ឋាន និងពាក្យចចាមអារ៉ាមនានា។

គ្រប់គ្នាប្រហែលជាបានដឹងហើយថា ខ្សែប្រយុទ្ធជំនាញទាត់ជើងឆ្វេងរូបនេះជាអតីតយុវជនរបស់ ស្វាយរៀង ដែលទទួលបានការហ្វឹកហាត់យ៉ាងល្អ ទម្រាំដុសខាត់ចេញមកជាយុវជនឆ្នើម ប្រចាំប្រទេសបានកាលពីពេលកន្លងទៅ។ បើនិយាយដល់ប្រវត្តិនេះក៏មានពាក្យចចាមអារ៉ាមមួយបាន ព្រលយថា ខ្សែប្រយុទ្ធវ័យ ២៧ ឆ្នាំរូបនេះ ចង់វិលទៅលេងឲ្យក្លឹបចាស់របស់គេគឺ ស្វាយរៀង នេះតែម្ដង។

រឿងដែលគួរឲ្យចាប់អារម្មណ៍មួយទៀតចំពោះការផ្ទេរចេញពីបឹងកេតដែរនោះ គឺការទៅកាន់ វិសាខា ។ វាមិនមែនជារឿងចម្លែកពេកទេ ដែលខ្សែប្រយុទ្ធល្បីឈ្មោះ ទៅកាន់ក្លឹបអ្នកមានមួយនោះ។ ប៉ុន្តែក៏មិនប្រាកដ ១០០% ដែរ គ្រាន់តែមានហេតុផលមួយចំនួនថា តាមពិតទៅវិសាខា ជាក្លឹបធំមួយរបស់កម្ពុជា ហើយក្លឹបនេះហ៊ានចំណាយលុយច្រើនសន្ធឹកសន្ធាប់ ក្នុងការនាំយកកីឡាករល្អមកចូលរួមជាមួយពួកគេ ដើម្បីត្រៀមពានធំទី២ AFC Cup វគ្គជម្រុះនាពេលដ៏ខ្លីខាងមុខនេះ។

ថ្វីត្បិតថា ខ្សែប្រយុទ្ធដែលរកបាន៩គ្រាប់កាលឆ្នាំ២០១៨ ឲ្យបឹងកេតរូបនេះ មិនបានបង្ហាញខ្លួនរដូវកាលមុនឲ្យបឹងកេតក៏គេនៅតែគិតថា ប្រសិនបើបានទៅលេងនៅ វិសាខា វិញនោះគេពិតជាអាចរកគ្រាប់បាល់បានទៀតជាក់ជាមិនខានឡើយ។ មួយវិញទៀតនោះគេក៏ជាមនុស្សម្នាក់ ដែលអាចលេងស៊ីចង្វាក់គ្នាជាមួយខ្សែប្រយុទ្ធបទពិសោធជោគជាំ កែវ សុខផេង ដែលកំពុងប្រកបអាជីពនៅទីនោះស្រាប់ផងដែរ៕