- 2021-01-28 11:41:40
- បាល់ទាត់
Ronaldo ល្មើសនឹងវិន័យមួយ ដើម្បីបានដើរលេង នៅថ្ងៃខួបកំណើតរបស់សង្សារ
- 2021-01-28 11:41:40
- ចំនួនមតិ 0 | ចំនួនចែករំលែក 0
Ronaldo ល្មើសនឹងវិន័យមួយ ដើម្បីបានដើរលេង នៅថ្ងៃខួបកំណើតរបស់សង្សារ
ចន្លោះមិនឃើញ
ខ្សែប្រយុទ្ធក្លឹប Juventus កីឡាករ Cristiano Ronaldo ត្រូវបានគេប្រទះឃើញនាំសង្សាររបស់ខ្លួនចេញពីទីក្រុង Turin ទៅជិះស្គីទឹកកក នៅក្បែរទីក្រុង Piedmont and Valle D'Aosta ប្រទេសអ៊ីតាលី កាលពីថ្ងៃទី២៧ ខែមករា ឆ្នាំ២០២១ម្សិលមិញនេះ បើយោងតាមការចុះផ្សាយរបស់ Daily Mail។
ទង្វើខាងលើនេះត្រូវបានអ្នកគាំទ្រមួយចំនួនរិះគន់យ៉ាងខ្លាំង ក្រោយសង្សាររបស់កីឡាកររូបនេះបានបង្ហោះវីដេអូទៅដើរទីនោះជាខ្លួននៅបណ្ដាញសង្គម ព្រោះតែទង្វើនេះគឺបានល្មើសនឹងវិន័យហាមឃាត់ឆ្លងពីក្រុងមួយ ទៅក្រុងមួយទៀតរបស់ប្រទេសអ៊ីតាលី។
យ៉ាងណាមិញ អ្នកទាំងពីរមិនត្រូវបានសមត្ថកិច្ចធ្វើការចោទប្រកាន់នៅឡើយទេ គ្រាន់តែដាក់នៅក្នុងភាពសង្ស័យ និងស៊ើបសួរស្រាវជ្រាវបន្ត។
បើ Roanldo និងសង្សាររបស់ខ្លួនល្មើសនឹងវិន័យខាងលើមែន ពួកគេម្នាក់ៗគ្រាន់តែបង់ប្រាក់វិន័យចំនួន ៤៨៤ដុល្លារប៉ុណ្ណោះដើម្បីបញ្ចប់រឿង៕