/5ffd92e755c9f_1610453700_medium.jpg)
- 2021-01-12 12:17:24
- បាល់ទាត់
Ozil ប្រាប់ត្រង់ៗថា ចង់ទៅលេងនៅក្លឹបនេះ ក្រោយចេញពី Arsenal
- 2021-01-12 12:17:24
- ចំនួនមតិ 0 | ចំនួនចែករំលែក 0
Ozil ប្រាប់ត្រង់ៗថា ចង់ទៅលេងនៅក្លឹបនេះ ក្រោយចេញពី Arsenal
ចន្លោះមិនឃើញ
ខ្សែបម្រើអាល្លឺម៉ង់កូនកាត់ទួរគី Mesut Ozil បាននិយាយកាលពីពេលថ្មីៗនេះថា ក្រោយចេញពី Arsenal ខ្លួនចង់ទៅលេងនៅក្លឹបទួរគី Fenerbahce ឬ ក្លឹបនៅលីគកំពូលសហរដ្ឋអាមេរិក MLS។
កីឡាកររូបនេះបានលើកឡើងថា៖ " ខ្ញុំប្រាកដជាលេងបន្តទៀតពេលចេញពី Arsenal។ ប្រទេស ២ ដែលខ្ញុំចង់លេងមុនពេលចូលនិវត្តន៍នោះគឺ ទួរគី និង សហរដ្ឋអាមេរិក " ។
Ozil បានបន្តថា៖ " ប្រសិនបើខ្ញុំបានទៅលេងនៅទួរគី ខ្ញុំនឹងទៅលេងនៅ Fenerbahce។ តាំងពីខ្ញុំធំដឹងក្ដីនៅអាល្លឺម៉ង់មក ខ្ញុំចូលចិត្តក្លឹបមួយនេះ។ Fenerbahce ប្រៀបដូចជា Real Madrid នៅទួរគីអញ្ចឹង " ។
សូមជម្រាបផងដែរថា កីឡាករវ័យ ៣២ឆ្នាំរូបនេះត្រូវបានលោក Mikel Arteta ដែលជាគ្រូនៅ Arsenal ដកឈ្មោះចេញពីក្រុមកីឡាករសម្រាប់ប្រកួតក្នុងគ្រប់កម្មវិធីរបស់ក្លឹបតាំងពីចុងឆ្នាំ២០២០ ហេតុនេះហើយមានផ្លូវតែមួយគត់សម្រាប់កីឡាកររូបនេះ គឺផ្លូវចាកចេញពីក្លឹបរាជធានីឡុងដុងមួយនេះ៕
