/5ffd09b0aa0ae_1610418600_medium.jpg)
- 2021-01-12 02:34:36
- បាល់ទាត់
លីគបាល់ទាត់២ដែល Ozil ចង់ទៅលេង ប្រសិនបើមានជម្រើសចាកចេញពី Arsenal
- 2021-01-12 02:34:36
- ចំនួនមតិ 0 | ចំនួនចែករំលែក 0
លីគបាល់ទាត់២ដែល Ozil ចង់ទៅលេង ប្រសិនបើមានជម្រើសចាកចេញពី Arsenal
ចន្លោះមិនឃើញ
Mesut Ozil បាននិយាយថា គេគ្មានចេតនាចង់ព្យួរស្បែកជើងឡើយ ពេលដែលចាកចេញពី Arsenal ដោយមានបំណងចង់ផ្លាស់ទៅលេងនៅក្លឹប Fenerbahce ឬ Major League Soccer។
អតីតជម្រើសជាតិអាល្លឺម៉ង់រូបនេះកំពុងតែជួបរឿងពិបាកជាមួយអាជីពរបស់គេនៅ Arsenal។ លោក Mikel Arteta បានដកឈ្មោះរបស់ Ozil ចេញពីបញ្ជីកីឡាករមិនឲ្យលេងទាំងក្នុងលីគនិងពានផ្សេងៗ។ កីឡាករវ័យ៣២ឆ្នាំបានខកខានមិនបានលេងឲ្យ Arsenal ចាប់តាំងពីខែមីនាមកម្ល៉េះ។
ថ្មីៗនេះ Ozil បានចូលរួមឆ្លើយសំនួរលើបណ្ដាញសង្គម Twitter។ មានការសាកសួរថា តើគេនឹងចូលនិវត្តន៍ឬយ៉ាងណាពេលដែលចេញពី Arsenal។ Ozil បានតបថា គេនឹងបន្តលេងដដែលពេលដែលចេញពីក្លឹប។ មានប្រទេសពីរដែលគេចង់ទៅលេងមុនពេលចូលនិវត្តន៍គឺទួរគីនិងអាមេរិក។
ប្រសិនបើទៅទួរគី គេនឹងលេងជាមួយក្លឹប Fenerbahce សម្រាប់នៅអាមេរិកគេមិនបានបង្ហាញឈ្មោះក្លឹបឡើយ។ កន្លងទៅ Fenerbahce មានទំនាក់ទំនងខ្ពស់ក្នុងការផ្ទេរយក Ozil។ សម្រាប់ Ozil ខ្លួនឯងផ្ទាល់ក៏ធ្លាប់និយាយដែរថា គេគាំទ្រ Fenerbahce តាំងពីក្មេង៕
