- 2020-11-26 11:23:05
- ព័ត៌មាន
Napoli កំពុងពិចារណាប្ដូរឈ្មោះកីឡដ្ឋាន ដោយដាក់ឈ្មោះ Maradona
- 2020-11-26 11:23:05
- ចំនួនមតិ 0 | ចំនួនចែករំលែក 0
Napoli កំពុងពិចារណាប្ដូរឈ្មោះកីឡដ្ឋាន ដោយដាក់ឈ្មោះ Maradona
ចន្លោះមិនឃើញ
ក្លឹប Napoli កំពុងតែពិចារណាផ្លាស់ប្ដូរឈ្មោះកីឡដ្ឋានរបស់ខ្លួន ដោយដាក់ឈ្មោះអតីតខ្សែប្រយុទ្ធអាហ្សង់ទីន Diego Maradona ដើម្បីជាការឧទ្ទិសកុសលដល់កីឡាកររូបនេះ ក្រោយពីចែកឋានកាលពីយប់ម្សិលមិញ។
ប្រធានក្លឹបអ៊ីតាលីមួយនេះ លោក Aurelio de Laurentiis បានបង្ហើបប្រាប់សារព័ត៌មានថា ខាងក្លឹបកំពុងគិតគូរដូរឈ្មោះទឹកដីរបស់ខ្លួនពី San Paolo ទៅកាន់ San Paolo-Diego Armando Maradona។
គំនិតមួយនេះក៏ត្រូវបានទទួលបានគាំទ្រពីថ្នាក់ដឹកនាំក្រុង Naples ដែលជាមូលដ្ឋានរបស់ក្លឹប Napoli។ អភិបាលក្រុង Naples បានសរសេរក្នុងបណ្ដាញ Twitter ក្រោយពេលដែលដឹង Maradona ស្លាប់ថា តោះនាំគ្នាដាក់ឈ្មោះ Maradona នៅពីក្រោយកីឡដ្ឋាន San Paolo របស់យើង។
Maradona បានចំណាយពេល ៧ឆ្នាំនៅ Napoli ដោយបានលេងអំឡុងឆ្នាំ១៩៨៤ ដល់ឆ្នាំ១៩៩១។ លោកបានបាត់បង់ជីវិតកាលពីយប់ម្សិលមិញ ដោយសារតែបញ្ហាបេះដូង ព្រមទាំងបញ្ហាផ្សេងៗទៀតដូចជា រឿងញៀនគ្រឿងស្រវឹង និងគ្រឿងញៀនទៀតផង៕