- 2020-11-25 01:56:48
- បាល់ទាត់
ទីបំផុតរកឃើញ ៤ក្រុមបានឡើងវគ្គ១៦ក្រុមចុងក្រោយ Champions League
- 2020-11-25 01:56:48
- ចំនួនមតិ 0 | ចំនួនចែករំលែក 0
ទីបំផុតរកឃើញ ៤ក្រុមបានឡើងវគ្គ១៦ក្រុមចុងក្រោយ Champions League
ចន្លោះមិនឃើញ
Chelsea, Sevilla, Juventus និង Barcelona គឺជាក្រុម៤ដែលបានកក់កៅអីនៅវគ្គ១៦ក្រុមចុងក្រោយនៅពានរង្វាន់ Champions League បន្ទាប់ពីពួកគេឈ្នះយប់មិញ។
សម្រាប់ការប្រកួតកាលពីយប់មិញ Sevilla បានយកឈ្នះ FC Krasnodar ២-១ ខណៈ Chelsea ដែលនៅក្នុងពូល E ជាមួយគ្នាបានទទួលជ័យជម្នះលើ Rennes ២-១ ដូចគ្នា។ ឆ្លងកាត់៤ប្រកួតក្នុងវគ្គសន្សំពិន្ទុ Sevilla និង Chelsea មាន១០ពិន្ទុដូចគ្នាមានឱកាសទៅវគ្គបន្ត ស្របពេលដែល Krasnodar និង Rennes ទើបតែមាន១ពិន្ទុប៉ុណ្ណោះ។
ងាកទៅមើលពូល G វិញ Barcelona បានបំបាក់ Dynamo Kyiv ៤-០ ត្បិតតែគ្មាន Lionel Messi មាន១២ពិន្ទុពេញ សម្រាប់ការលេង៤ប្រកួត។ នៅយប់ជាមួយ Juventus បានយកឈ្នះ Ferencvaros ២-១ មាន៩ពិន្ទុក្នុងពូល។ ពិន្ទុប៉ុននេះគ្រប់គ្រាន់ឲ្យ Barcelona និង Juventus ឆ្លងទៅវគ្គ១៦ក្រុមបានហើយ ព្រោះ Dynamo Kyiv និង Ferencvaros ទើបតែមាន១ពិន្ទុប៉ុណ្ណោះ៕
