- 2020-11-20 07:57:38
- បាល់ទះ
ពិតជាកក្រើក! វិសាខា នឹងប្រើកីឡាករល្អៗរបស់ខ្លួនទាំងអស់ទល់ អង្គរក្ស
- 2020-11-20 07:57:38
- ចំនួនមតិ 0 | ចំនួនចែករំលែក 0
ពិតជាកក្រើក! វិសាខា នឹងប្រើកីឡាករល្អៗរបស់ខ្លួនទាំងអស់ទល់ អង្គរក្ស
ចន្លោះមិនឃើញ
កម្មវិធីប្រកួតមិត្តភាពរវាងក្រុមបាល់ទះវិសាខា និងក្រុមបាល់ទះបញ្ជាការដ្ឋានអង្គរក្ស នឹងធ្វើឡើងនៅតារាងបាល់ទះកូនភ្លោះក្រុងតាខ្មៅ នាវេលាម៉ោង ២:៣០ នាទីរសៀលថ្ងៃទី២៥ ខែវិច្ឆិកា ឆ្នាំ២០២០ ។
ព្រឹត្តិការណ៍ពិតជាកក្រើកមិនខាន ពោលគឺខាងអង្គរក្ស ក៏សម្បូរកីឡាករល្អៗ។ ចំណែកខាងវិសាខា លោក សាន សុក្រិត គ្រូបង្វឹកបានបញ្ជាក់ថា នឹងប្រើកីឡាករល្អៗរបស់ខ្លួនទាំងអស់តែម្ដង ដើម្បីចង់ដឹងសមត្ថភាព សម្រាប់ការត្រៀមខ្លួនប្រកួតការប្រកួតអន្តរជាតិ និងពិសេសនាឆ្នាំ២០២១ ដែលមានកម្មវិធីប្រកួត ស៊ីហ្គេម នៅវៀតណាម។
ទាក់ទងប្រកួតនេះដែរ លោក សាន សុក្រិត បានបន្ថែមថា លោកមើលឃើញ កីឡាកររបស់ខ្លួនខានបញ្ចេញសមត្ថភាពច្រើនខែមកហើយ ដូច្នេះការប្រកួតនេះពិតជារឿងល្អមែនទែនសម្រាប់ក្រុមលោក ដើម្បីស្ទាបស្ទង់សមត្ថភាព។
ការប្រកួតនេះគឺជាការប្រកួតមិត្តភាព ដែលរៀបចំឡើងត្រូវតាមស្តង់ដារ បើសិនក្រុមខាងណាអាចយកឈ្នះ ៣ សិតមុនក្រុមនោះនឹងទទួលបានជ័យជម្នះ។ រំលឹកថា វិសាខា មានកីឡាករល្អៗជាច្រើន ដូចជា ពិន សារ៉ុន កម្ពស់ ២,០១, គួន ម៉ុម ១,៩៣, វឿន វាសនា ១,៩៤ (ស្នាលេខ ២០ ) ជាដើម ៕