ម៉ូលីកា និង សៀង ចន្ធា មានចំណុចដូចគ្នាពីរក្នុងវិស័យបាល់ទាត់

2020-10-28 03:01:10
បាល់ទាត់

2020-10-28 03:01:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រីស្អាត ទេព ម៉ូលីកា ខ្សែបម្រើស្លាប Tiffy Army គឺជា ហ្វេនក្លឹប Barcelona ស្របពេលខ្សែប្រយុទ្ធ បឹងកេត សៀង ចន្ធា ក៏ជាហ្វេនក្លឹបរបស់ប្រទេសអេស្ប៉ាញនេះដូចគ្នា ។

ទេព ម៉ូលីកា បានប្រាប់ឲ្យដឹងថា គេជាហ្វេនក្លឹបនេះតាំងពីចេះលេងបាល់នាអំឡុងឆ្នាំ២០១៥ ស្របពេលរូបគេក៏ចេះលេងបាល់តាំងពីពេលនោះមកដែរ ។ ចំណែក Idol របស់គេគឺ Leonel Messi ។ បានជាគេចូលចិត្តការលេងរបស់ Messi ពីព្រោះខ្សែប្រយុទ្ធអាហ្សង់ទីនរូបនេះមានទម្រង់លេងឡូយជាងកីឡាករណាណាទាំងអស់សម្រាប់គេ ។

ទេព ម៉ូលីកា

ចំណែក សៀង ចន្ធា ក៏ជាហ្វេនក្លឹប Barcelona ដូចគ្នា បន្ថែមលើសពីនេះគេថែមទាំងចង់ទៅលេងនៅក្លឹបនេះទៀតផង សម្រាប់ក្ដីស្រមៃរបស់គេ។ ប៉ុន្តែគេគិតថា ក្ដីស្រមៃដ៏ធំមួយនេះពិតជាពិបាកខ្លាំងមែនទែនក្នុងការសម្រេចបាន។ និយាយពី Idol ខ្សែប្រយុទ្ធមានដើមកំណើតមកពីខេត្តកោះកុងរូបនេះបានចាត់ទុក Messi ជានិមិត្តរូបជាយូរណាស់មកហើយ ពោលតាំងពីគេចេះលេងបាល់នាអំឡុងឆ្នាំ២០១៤។

សៀង ចន្ធា ជាខ្សែប្រយុទ្ធវ័យទើប ១៨ ឆ្នាំប៉ុណ្ណោះ ប៉ុន្តែគេបានបង្ហាញទម្រង់លេងលេចធ្លោនៅក្លឹប និងនៅជម្រើសជាតិ។ សៀង ចន្ធា កើតថ្ងៃទី៩ ខែកញ្ញា ឆ្នាំ២០០២ មានស្រុកកំណើតនៅភូមិ២ ឃុំ ប៉ាក់ខ្លង ស្រុកមណ្ឌលសីម៉ា ខេត្តកោះកុង។ គេមានបងប្អូន ៤ នាក់ និងជាកូនពៅក្នុងគ្រួសារ។

សៀង ចន្ធា

ទេព ម៉ូលីកា សិក្សានៅ វិទ្យាល័យ ប៊ុន រានី ហ៊ុន សែន កោះដាច់ ។ មានតួនាទីជាខ្សែបម្រើស្លាបឆ្វេងរបស់ទ័ព។ កីឡាការិនីរូបនេះមានស្រុកកំណើតនៅឃុំកោះដាច់ ស្រុកមុខកំពូល ខេត្តកណ្ដាល កើតថ្ងៃទី០៥ ខែមករា ឆ្នាំ២០០៤ មានកម្ពស់ ១,៦៣ ម៉ែត្រ។ ម៉ូលីកា ជាកីឡាករឆ្នើមក្នុងក្រុម ដែលបង្ហាញខ្លួនក្នុងជម្រើស ១១ នាក់ដំបូងទាំង៤ ប្រកួតកន្លងមក ៕

អត្ថបទ៖ ស្រី សុវណ្ណដារ៉ា