- 2020-10-20 02:06:25
- បាល់ទាត់
Maguire, Cavani និង Greenwood អវត្តមានជំនួបជាមួយ PSG ក្រោមមូលហេតុផ្សេងគ្នា
- 2020-10-20 02:06:25
- ចំនួនមតិ 0 | ចំនួនចែករំលែក 0
Maguire, Cavani និង Greenwood អវត្តមានជំនួបជាមួយ PSG ក្រោមមូលហេតុផ្សេងគ្នា
ចន្លោះមិនឃើញ
ប្រធានក្រុមរបស់ Manchester United កីឡាករ Harry Maguire ខ្សែប្រយុទ្ធ Mason Greenwood និងកីឡាករចំណូលថ្មី Edinson Cavani មិនបានធ្វើដំណើរទៅកាន់ប្រទេសបារាំងដើម្បីលេងជាមួយ PSG ក្នុងពានរង្វាន់ UCL ឡើយ។
Maguire ត្បិតតែទាត់បញ្ចូលទីមួយគ្រាប់ក្នុងជំនួបយកឈ្នះ Newcastle ៤-១ កាលពីចុងសប្ដាហ៍ ប៉ុន្តែគេត្រូវបានលោក Ole Gunnar Solskjaer ដកឈ្មោះចេញ។ សម្រាប់ Cavani អតីតកីឡាកររបស់ PSG ទើបតែហាត់បានរយៈពេលខ្លី ក្រោយដាក់នៅដាច់ដោយឡែក១៤ថ្ងៃ។ ស្របពេល Greenwood អត់បានលេងដូចគ្នា។
សម្រាប់បញ្ហាដែលលោក Ole ដកឈ្មោះកីឡាករទាំង៣ដោយសារតែ Maguire មួយរយៈចុងក្រោយទទួលសម្ពាធខ្លាំងពីអ្នកគាំទ្រ។ ខណៈ Cavani ហាត់បានតិចតួចមិនអាចដាក់ឲ្យលេងបាន តែអាចនឹងបង្ហាញខ្លួននៅចុងសប្ដាហ៍នេះ។ ចំពោះ Greenwood មានបញ្ហាវិន័យ។
ជាមួយគ្នានេះដែរ ខ្សែការពារកណ្ដាល Eric Bailly និងខ្សែបម្រើ Jesse Lingard ក៏ត្រូវអវត្តមានដូចគ្នា។ ជំនួបរវាង United និង PSG ត្រូវលេងនៅយប់នេះម៉ោង២:០០នាទីរំលងអាធ្រាត្រ ហើយ Ole បញ្ជាក់ថា Bruno Fernandes នឹងធ្វើជាប្រធានក្រុម៕