មកស្គាល់ក្លឹបមួយចំនួន ដែលត្រូវបានដកសិទ្ធិមិនឲ្យលេងក្នុងកម្មវិធីអឺរ៉ុប

2020-10-14 11:40:00
ព័ត៌មាន

2020-10-14 11:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តធ្លាប់បានដឹងហើយនៅក្នុងឆ្នាំនេះ UEFA បានធ្វើការពិន័យក្លឹប Manchester City មិនឲ្យចូលលេងក្នុងក្របខ័ណ្ឌ UEFA Champions League រយៈពេល ២រដូវកាល តែក្រោយមកក៏លើកលែងឲ្យត្រឹមតែពិន័យជាសាច់ប្រាក់។ ក្នុងថ្ងៃនេះដែរ Sabay នាំមកជូនមិត្តអ្នកអានតាមដានកីឡាបាល់ទាត់ នូវក្លឹបមួយចំនួន ដែលត្រូវបាន UEFA ដកសិទ្ធិមិនឲ្យចូលលេងក្នុងក្របខ័ណ្ឌអឺរ៉ុប។

លោក Pep Guardiola នាពេលកន្លងទៅ

AC Milan៖

ក្លឹបអ៊ីតាលី ដែលធ្លាប់មានប្រវត្តិសាស្ត្រជោគជ័យក្នុង UEFA Champions League ត្រូវស្ថាប័ន UEFA ពិន័យមិនឲ្យលេងក្នុងព្រឹត្តិការណ៍ UEFA Europa League មួយឆ្នាំអំឡុងឆ្នាំ ២០១៩/២០ ដោយសារតែក្លឹបនេះល្មើសច្បាប់ Fair Play ហិរញ្ញវត្ថុ ក្រោយទិញកីឡាករជាច្រើន តែមិនមានការលក់ចេញវិញ ទោះជាក្លឹបនេះជាប់លេខ ៥ ក្នុងរដូវកាលមុននេះក្ដី។

FC Pobeda៖

ក្លឹបម៉ាសេដូនី (ប្រទេសក្បែរក្រិក) នេះត្រូវបានដកសិទ្ធិចូលលេងក្នុងកម្មវិធីរយៈពេល ៨ឆ្នាំ កាលពីឆ្នាំ២០០៩ ចំពោះបទល្មើសនៃការរៀបចំការប្រកួតទុកជាមុន ពេលលេងប៉ះនឹងក្លឹបអាមិននៀកាលពីឆ្នាំ២០០៤។ ប្រធានក្រុម និងប្រធានក្លឹបត្រូវបានពិន័យមិនឲ្យពាក់ព័ន្ធនឹងបាល់ទាត់អស់មួយជីវិត។

Malaga៖

ក្លឹបអេស្ប៉ាញនេះឡើងទម្រង់លេងយ៉ាងខ្លាំងកាលពីដើមទសវត្ស២០១០ ដោយឡើងមកដល់វគ្គពាក់កណ្ដាលផ្ដាច់ព្រ័ត្រ UEFA Champions League កាលពីឆ្នាំ២០១២/២៣។ យ៉ាងណាមិញ ក្លឹបនេះត្រូវបានរងការពិន័យមិនឲ្យចូលលេងកម្មវិធី UEFA ៤ឆ្នាំ បន្ទាប់ពីមានរឿងចម្រូងចម្រាស់ក្នុងការមិនបង់ថ្លៃជំពាក់លុយ។

Skënderbeu Korçë៖

អតីតជើងឯកក្លឹបអាល់បានីរងការពិន័យ ១ឆ្នាំពី UEFA សម្រាប់ឆ្នាំ២០១៦ ហើយក្រោយមកពិន័យ ១០ឆ្នាំកាលពីឆ្នាំ២០១៨ ដោយសារតែការរៀបចំការប្រកួតទុកជាមុនសម្រាប់ប្រកួតវគ្គជម្រុះនៃ UEFA Champions League ហើយនិង ៥០ប្រកួតក្នុងស្រុកផ្សេងទៀត។

អានព័ត៌មានលម្អិត៖ UEFA ដាក់បម្រាមក្លឹបអឺរ៉ុបមួយមិនឲ្យលេងកម្មវិធី UCL និង UEL ចំនួន ១០ឆ្នាំ

Besiktas និង Fenerbahce៖

ក្លឹបទួរគីទាំងពីរត្រូវរងពិន័យដូចគ្នាអំឡុងទសវត្ស២០១០ ចំពោះរឿងរៀបចំការប្រកួតទុកជាមុន។ Besiktas រង ១ឆ្នាំ ខណៈ Fenerbahce ជាប់ ៣ឆ្នាំ។

ក្លឹបអង់គ្លេសទាំងអស់៖

ក្រោយពីរឿងឧបទ្ទវហេតុអំពើហិង្សាបង្កដោយអ្នកគាំទ្រ Liverpool កាលពីឆ្នាំ១៩៨៥ ក្នុងប្រកួតវគ្គផ្ដាច់ព្រ័ត្រ UEFA Champions League ប៉ះនឹង Juventus ស្ថាប័ន UEFA សម្រេចពិន័យមិនឲ្យក្លឹបនៃប្រទេសអង់គ្លេសចូលលេងក្នុងប្រកួតអឺរ៉ុបរយៈពេល ៥ឆ្នាំ តែ Liverpool ពិន័យ ១០ឆ្នាំ៕

អានលម្អិតពីរឿងហេតុនេះ៖ UEFA ធ្លាប់ដាក់ពិន័យក្លឹបក្នុងប្រទេសអង់គ្លេសទាំងមូល មិនឲ្យលេងក្នុងកម្មវិធីអឺរ៉ុប

ប្រភព៖ 90min ប្រែសម្រួល៖ ហ៊ីម រស្មី