- 2020-09-24 02:00:09
- បាល់ទាត់
វត្តមាន Semedo ក្លាយជាកីឡាករព័រទុយហ្គាល់ទី១០មកចូលរួមជាមួយ Wolves
- 2020-09-24 02:00:09
- ចំនួនមតិ 0 | ចំនួនចែករំលែក 0
វត្តមាន Semedo ក្លាយជាកីឡាករព័រទុយហ្គាល់ទី១០មកចូលរួមជាមួយ Wolves
ចន្លោះមិនឃើញ
ក្លឹប Wolves បានចុះកុងត្រាផ្ទេរយកខ្សែការពារស្ដាំ Nelson Semedo ពីក្លឹប Barcelona ក្នុងតម្លៃប្រមាណ៣៧លានផោន។
កីឡាករសញ្ជតិព័រទុហ្គាល់បានចុះកិច្ចសន្យាដែលធ្វើឲ្យគេនៅជាមួយ Wolves ដល់ខែ មិថុនា ឆ្នាំ ២០២៣ ជាមួយលក្ខខណ្ឌអាចបន្ថែមដល់ឆ្នាំ២០២៥។ អ្នកចាត់ការរបស់លោក Nuno Espirito Santo សម្រេចចិត្តផ្ទេរយក Semedo ដើម្បីយកមកជំនួសកន្លែងកីឡាករ Matt Doherty ដែលទៅលេងនៅ Spurs ក្នុងកុងត្រា៤ឆ្នាំ។
Semedo វ័យ២៦ឆ្នាំធា្លប់ឈ្នះពាន La Liga ២ដងនិង Copa del Rey ម្ដង បន្ទាប់ពីផ្លាស់មកកាន់ Barcelona ពីក្លឹប Benfica ក្នុងឆ្នាំ២០១៧។ រដូវកាលមុនគេលេងបាន៤២ប្រកួតឲ្យ Barca។ គេបានក្លាយជាកីឡាករទី៥ដែល Wolves ទិញយកមកក្នុងរដូវកាលនេះ បន្ទាប់ពី Fabio Silva, Fernando Marcal, Vitor Ferreira និង Ki-Jana Hoever ។
Semedo ក៏ជាកីឡាករព័រទុយហ្គាល់ទី១០ ដែលមកចូលរួមជាមួយ Wolves ផងដែរ៕