- 2020-09-17 00:30:00
- បាល់ទះ
អតីតស្ដេចបាល់ទះថា បើ ម៉េងហួង បង្កើន៣ចំណុចនេះ១ឬ២ឆ្នាំទៀតដឹងតែល្អកប់ម៉ង
- 2020-09-17 00:30:00
- ចំនួនមតិ 0 | ចំនួនចែករំលែក 0
អតីតស្ដេចបាល់ទះថា បើ ម៉េងហួង បង្កើន៣ចំណុចនេះ១ឬ២ឆ្នាំទៀតដឹងតែល្អកប់ម៉ង
ចន្លោះមិនឃើញ
អតីតស្ដេចបាល់ទះរបស់កម្ពុជាជំនាន់ឆ្នាំ ២០០៧-២០០៨ សោម ចំណាប់ មើលឃើញថា ធី ម៉េងហួង នឹងអាចក្លាយជាកីឡាករបាល់ទះកម្រិតកំពូលមួយ បើសិនគេអាចវិវឌ្ឍន៍ខ្លួន ៣ ចំណុចនេះបន្ថែម។
គ្រូបង្វឹកបាល់ទះឆ្នេរខ្សាច់រូបនេះពន្យល់យ៉ាងដូច្នេះថា « ម៉េងហួង ឃើញវ៉ៃធ្ងន់ល្អមែន តែគេនៅស្ទើរ (ខ្ចី) ច្រើនចំណុចតាមដែលខ្ញុំមើលឃើញ។ ទី១ ស្ទើរចាប់សេវា ទី២វ៉ៃធ្ងន់ហើយ តែអត់ទាន់ច្បាស់ (ត្រូវរក្សាជំហរឲ្យនៅថេរ ជូនកាលវ៉ៃពន្លិចពេក គាត់ចង់លិចពេក។ និយាយរួម គាត់មិនទាន់ចេះរក្សាជំហរវ៉ៃ លោតខ្ពស់ប៉ុណ្ណា វ៉ៃឲ្យខ្ពស់ប៉ុណ្ណឹង ចំណុចនេះបើគាត់បន្ថែមបាន ទោះបាំង២ឬបាំង៣ មិនងាយមានអ្នកណាបាំងដល់គាត់ទេ )។ ទី៣ ការធ្វើរនាំងក៏នៅស្ទើរដែរ ពោលគឺគាត់អត់ទាន់ចេះចាប់បាំងច្បាស់ » ។
លោកមើលឃើញថា ប្រសិនបើស្មាត់របស់មហាផ្ទៃរូបនេះព្យាយាមចំណុចទាំងនេះទៀត គាត់នឹងល្អខ្លាំងមិនខាន ពិសេសគឺជំហរវ៉ៃបាល់លើ ឲ្យបានច្បាស់ជាងនេះ។ លោក សោម ចំណាប់ ត្រូវបានគណៈកម្មាធិការសហព័ន្ធកីឡាបាល់ទះកម្ពុជា ប្រកាសតែងតាំងជាគ្រូបង្វឹកបាល់ទះឆ្នេរខ្សាច់ សម្រាប់ឆ្នាំ២០២០។ ជាងនេះទៅទៀតលោកក៏ជាគ្រូបង្វឹកក្លឹបបាល់ទះស្នងការដ្ឋានរាជធានីភ្នំពេញផងដែរ៕