តាមពិតកីឡាករឈ្នះ Treble ២ឆ្នាំជាប់ៗគ្នា មិនមែនជាកីឡាករមកពីអឺរ៉ុបទេ

2020-09-07 13:06:55
ព័ត៌មាន

2020-09-07 13:06:55
ចំនួនមតិ 0 | ចំនួនចែករំលែក 0

ចន្លោះមិនឃើញ

វាជារឿងកម្រណាស់ ដែលក្លឹបកំពូលៗនៅអឺរ៉ុបអាចឈ្នះពានលីគកំពូល ពានសហព័ន្ធ និងពានក្របខ័ណ្ឌកំពូលអឺរ៉ុប UEFA Champions League ក្នុងមួយរដូវកាល ឬ ភាសាអង់គ្លេសហៅថា ឈ្នះ Treble ហើយវារឹតតែកម្រទៀត ក្នុងការឈ្នះ ២ឆ្នាំជាប់ៗគ្នា។

យ៉ាងណាមិញ ក្នុងសម័យថ្មីនេះ កីឡាករតែម្នាក់ ដែលអាចយក Treble បាន ២ឆ្នាំជាប់ៗគ្នា (ជាមួយក្លឹប ២ផ្សេងគ្នា) ហើយកីឡាករនោះមិនមែនមានដើមកំណើតពីអឺរ៉ុបទៅទៀត។ កីឡាករនោះគឺ អតីតខ្សែប្រយុទ្ធកាមេរ៉ូន Samuel Eto'o។

កាលនោះលោកបានជួយឲ្យក្លឹប Barcelona សម័យលោក Pep Guardiola ឈ្នះ Treble នៅរដូវកាល ២០០៨/០៩ និងជួយឲ្យ Inter Milan ក្នុងសម័យលោក Jose Mourinhoឲ្យឈ្នះនៅរដូវកាល២០០៩/១០។

លោក Eto'o បានព្យួរស្បែកជើងពីពិភពបាល់ទាត់កាលពីឆ្នាំ២០១៩កន្លងទៅ ក្រោយពីលេងឲ្យ ១៣ក្លឹប ក្នុងរយៈពេលជាង ២០ឆ្នាំ៕

ប្រភព៖ Bleacherreport ប្រែសម្រួល៖ ហ៊ីម រស្មី